බ්‍රිතාන්‍යයේ වයස අවුරුදු 49ක් වූ වෛද්‍යවරයෙකු විසින් රුපියල් කෝටි 5.4 (පවුම් ලක්ෂ 5) ක වටිනා වෛද්‍ය රක්ෂණ මුදලක් ලබා ගැනීමේ අදහසින් කකුල් කැපීමක් සිදුකර තිබෙන බව විදෙස් මාධ්‍ය වාර්තා කරනවා.

මෙම වෛද්‍යවරයා වූ නීල් හොපර් (Neil Hopper) විසින් සමාගම්වලට වංචාකාරීව මුදලක් ඉල්ලීම සඳහා, තම දෙපතුල් කැපීමේ ක්‍රියාවලියක් කටයුතු කළ බවටයි පැවසෙන්නේ.

කෙසේ වෙතත්, ඔහු සෘජුවම තමන්ගේ ව්‍යාධියක් නිසා පතුල් ඉවත් කළේ යැයි පවසමින් එය රක්ත නාලීය ගැටළුවක් බවත්, ඉවත්වීම සිදු නොකළහොත් සියලු ශරීරයට ව්‍යාප්ත විය හැකි බවත් පවසා තිබෙනවා.

නමුත් සමාගම්වල පැමිණිලිවලට අනුව, නීල් හොපර් කිසිදු ආබාධයකින් තොරව කකුල් කැපීමේ ක්‍රම සොයා ගැනීමට අන්තර්ජාලයෙන් වීඩියෝ මිලදීගෙන ඇති අතර, තවත් වෛද්‍යවරයෙකුගේ සහයගැනීමෙන් එම ක්‍රියාවලිය ක්‍රියාත්මක කර තිබෙන බවයි පැවසෙන්නේ.

දැනට මෙම සිද්ධිය සම්බන්ධයෙන් නීතිය ක්‍රියාත්මක වන අතර, සමාගම්වලට ලබාදුන් වංචාකාරී තොරතුරු සහ පූර්ව සැලසුම් පිළිබඳව විමර්ශනයක් සිදුවෙමින් පවතිනවා.