යුක්රේනය පුරා විරෝධතා පැතිරී තිබෙන බව විදෙස් මාධ්ය වාර්තා කරනවා.
ඒ යුක්රේනයේ ස්වාධීන දූෂණ විරෝධි ඒජන්සියේ බලතල එරට නීතිපතිවරයාට පැවැරීමේ ආන්දෝලනාත්මක පනතකට ජනාධිපති වොලොදිමිර් සෙලෙන්ස්කි අත්සන් තැබීම මුල් කරමින්.
වසර 2022 රුසියාව සමඟ යුද ගැටුම් ආරම්භ වීමෙන් පසු යුක්රේනයේ රජයට එරෙහිව විරෝධතා පැවැත්වෙන පළමු අවස්ථාව ද මෙය බව විදෙස් මාධ්ය වැඩිදුරටත් වාර්තා කළා.
යුක්රේන ජනාධිපතිවරයා අත්සන් තැබූ නව පනතට අනුව එරට ජාතික දූෂණ විරෝධි කාර්යාංශය සහ දූෂණ විරෝධි නීති කාර්යාලය විසින් සිදු කරනු ලැබූ විමර්ශන කටයුතු පාලනය කිරීමේ බලතල නීතිපතිවරයාට ලැබෙන බවයි විදෙස් මාධ්ය සඳහන් කළේ.
එම පනත මඟින් යුක්රේනයේ දූෂණ වංචා තුරන් කිරීමේ කාර්යභාරය ස්වාධීනව සිදු කරන ආයතනවල බලතල කප්පාදු කිරීමට එරෙහිව කීෆ් අගනුවර ඇතුළු නගර රැසක රජයට එරෙහිව විරෝධතා සිදුවන බව වාර්තා වනවා.
