ප්‍රංශ නගර ගණනාවක් ළාබාල තරුණ පිරිස්වලට රාත්‍රී කාලයේ ඇඳිරිනීතිය පනවා තිබෙනවා.

ඒ මත්ද්‍රව්‍ය ජාවාරමට සම්බන්ධ ප්‍රචණ්ඩ ක්‍රියා රැල්ලක් හේතුවෙන්.

ඒ අනුව වයස අවුරුදු 16ට අඩු අය “ප්‍රචණ්ඩත්වයට නිරාවරණය වීම” වැළැක්වීම සහ “ආතතීන් පාලනය කිරීම” සඳහා පියවර ගෙන ඇති බවයි බලධාරීන් පවසා ඇත්තේ.

අතිරේක පොලිස් ඒකක ද ප්‍රචණ්ඩ ක්‍රියා පවතින නගර වෙත යවා තිබෙනවා.

පසුගිය මාසය තුළ මහ දවල් සිදු වූ වෙඩි තැබීම් කිහිපයක් හේතුවෙන් එක් අයෙකු මියගොස් කිහිපදෙනකු තුවාල ලැබුවා.

පසුගිය සතියේ නයිම්ස් නගරයෙන් පිටතදී අර්ධ වශයෙන් පිළිස්සී තිබූ 19 හැවිරිදි තරුණයකුගේ මළසිරුරක් සොයා ගත්තා.

රාත්‍රී 21:00 ත් උදෑසන 06:00 ත් අතර ක්‍රියාත්මක වන ඇඳිරි නීතිය ප්‍රකාශයට පත්කරමින් නගරාධිපති ජීන්-පෝල් ෆෝර්නියර් පැවසුවේ තත්වය “ගැටලුසහගත” වී ඇති බවත් මත්ද්‍රව්‍ය ජාවාරම්කරුවන් “භීතියේ සහ භීතියේ වාතාවරණයක්” නිර්මාණය කර ඇති බවයි.

එමෙන්ම නියෝජ්‍ය නගරාධිපති රිචඩ් ෂීවන් පැවසුවේ ඇඳිරි නීතිය මගින් මත්ද්‍රව්‍ය වෙළඳාමට සම්බන්ධ නොවන බාලවයස්කරුවන් “නමුත් මත්ද්‍රව්‍ය ජාවාරම්කරුවන් විසින් සූරාකෑමට ලක්වන වයස අවුරුදු 12 හෝ 13 අතර අය” ආරක්ෂා කරනු ඇති බවයි.