ට්රම්ප් පරිපාලනය විසින් සම්මත කරන ලද නව දේශීය ප්රතිපත්ති පනතකට අනුව, එක්සත් ජනපදයට පැමිණෙන ජාත්යන්තර සංචාරකයින් සඳහා අවම වශයෙන් ඩොලර් 250ක (LKR 75,000) නව ගාස්තුවක් හඳුන්වා දීමට නියමිතයි.
“වීසා ඒකාග්රතා ගාස්තුව” ලෙස නම් කර ඇති මෙය, දැනට පවතින වීසා ගාස්තු වලට අමතරව ගෙවිය යුතු වනවා.
මෙම නව ගාස්තුව, එක්සත් ජනපදයට ඇතුළු වීම සඳහා සංක්රමණික නොවන වීසා බලපත්රයක් ලබා ගත යුතු සියලුම විදේශීය නරඹන්නන් සඳහා අනිවාර්ය වනු ඇති.
විනෝදය සහ ව්යාපාරික කටයුතු සඳහා පැමිණෙන සංචාරකයින්, ජාත්යන්තර සිසුන් මෙන්ම අනෙකුත් තාවකාලික සංචාරකයින් ද මෙම ගණයට අයත් වනවා.
රාජ්ය දෙපාර්තමේන්තු දත්ත වලට අනුව, 2024 මූල්ය වර්ෂය තුළ එක්සත් ජනපදය විසින් සංක්රමණික නොවන වීසා බලපත්ර මිලියන 11කට ආසන්න සංඛ්යාවක් නිකුත් කර තිබෙනවා.
ඕස්ට්රේලියාව සහ බොහෝ යුරෝපීය රටවල් ඇතුළත් වීසා නිදහස් කිරීමේ වැඩසටහනේ (Visa Waiver Program) සාමාජික රටවලින් පැමිණෙන සංචාරකයන් සහ ව්යාපාරිකයන් සඳහා දින 90ක් හෝ ඊට අඩු කාලයක් සඳහා වීසා ලබා ගැනීම අනිවාර්ය වන්නේ නැහැ.
කෙසේ වෙතත්, එම වැඩසටහන හා සම්බන්ධ සංචාරක අවසරය සඳහා වන ඉලෙක්ට්රොනික පද්ධතියේ (ESTA) ගාස්තු ද ඉහළ නැංවීමට නියමිත අතර, නව පනතට අනුව එම ගාස්තුව දැනට පවතින මුදල මෙන් දෙගුණයකට ආසන්න වන අවම වශයෙන් ඩොලර් 40ක් දක්වා වැඩි වනු ඇතැයි අපේක්ෂා කෙරෙනවා.
