Black Sabbath සංගීත කණ්ඩායමේ ප්‍රමුඛයා වූ ජනප්‍රිය රොක් ගායක Ozzy Osboue මියගොස් තිබෙනවා.

මියයන විට ඔහු 76 හැවිරිදි වියේ පසුවුණා.

ඔහු විවිධ ආකාරයේ අසනීපවලට මුහුණ දී තිබුණද, මරණයට හේතුවක් දක්වා නොමැති බවයි විදෙස් මාධ්‍ය වාර්තා සඳහන් කරන්නේ.

ඔහු වඩාත් ප්‍රසිද්ධ වන්නේ Black Sabbath කණ්ඩායමේ ප්‍රධානියා ලෙස කටයුතු කිරීම සඳහායි.

ඔහු 1948 දී බර්මින්හැම්හි ඇස්ටන්හි කර්මාන්තශාලා සේවකයින් දෙදෙනෙකුගේ පුතෙකු ලෙස ජෝන් මයිකල් ඔස්බෝන් ලෙස උපත ලැබුවා.

ජෝන් මයිකල් ඔස්බෝන් ලෙස උපත ලැබූ ඔහු වයස අවුරුදු 15 දී පාසලෙන් ඉවත් වූ අතර, අඩු වැටුප් සහිත රැකියා කිහිපයක් කළ අතර සොරකම් කිරීම සම්බන්ධයෙන් කෙටි කාලයක් සිරගතව සිට තිබෙනවා.

ඉන්පසුවයි ඔහු සංගීත දිවියට පිවිස ඇත්තේ.

දේශීය සංගීත කණ්ඩායම් කිහිපයක් සමග ගායනා කිරීමෙන් පසු, ඔහු 1960 ගණන්වල අගභාගයේදී ගිටාර් වාදක ටෝනි අයෝමි, බේස් වාදක ගීසර් බට්ලර් සහ බෙර වාදක බිල් වෝඩ් සමඟ Black Sabbath හා සම්බන්ධ වී තිබෙනවා.