ඊජිප්තුවේ කයිරෝ අගනුවර දැඩි වාහන තදබදය සහ ජනාකීර්ණත්වය වැළැක්වීම සඳහා කිලෝමීටර් 45ක පමණ දුරින් ඉදි කරමින් පවතින නව පරිපාලන අගනුවර වසර 2027දී විවෘත කිරීමට නියමිත බව විදෙස් මාධ්ය වාර්තා කරනවා.
වසර 2015 දී වැඩ ආරම්භ කළ බව කියන එම පරිපාලන අගනුවර කොටසක් පසුගිය වසරේදී විවෘත කර ඇති බවත්, අවසන් අදියරේ වැඩ කටයුතු මේ වනවිට සිදු වන බවත් එරට මාධ්ය වාර්තා කරනවා.
වර්ග කිලෝමීටර් 700ක වපසරියකින් යුතු නව අගනුවර රජයේ ගොඩනැඟිලි, විදේශීය තානාපති කාර්යාල සහ මීටර් 385.8ක උසින් යුතු කුලුනක් ද ඉදිවන බවයි වාර්තා වන්නේ.
අමෙරිකානු ඩොලර් බිලියන 3.8ක මුදලක් වැයවන බවට ඇස්තමේන්තු කර ඇති ඊජිප්තුවේ නව පරිපාලන අගනුවර ඉදිකිරීම්වලින් 85%ක්ම චීන ආයෝජන යටතේ සිදු කරන අතර, චීන එක්සිම් බැංකුව ඩොලර් බිලියන 2.2ක් ආයෝජනය කර තිබෙන බවත් සඳහන්.
එහි ඉදිකිරීම් කටයුතු පමණක් නොව මෙහෙයුම් සහ නඩත්තු කිරීම් ද චීනය විසින් සිදු කිරීමට නියමිත බවයි වාර්තා වන්නේ.
කෙසේ වුවද චීන සමාගම් විසින් කළමනාකරණය කරනු ලබන විදේශීය ඉදි කිරිම් ව්යාපෘතිවල ගුණාත්මකභාවය සහ විනිවිදභාවය සම්බන්ධව ජාත්යන්තර වශයෙන් ගැටලු මතුවී ඇති බවත්, ඊජිප්තුවේ නව පරිපාලන අගනුවර කල්පැවැත්ම සහ ආරක්ෂාව සම්බන්ධව එවැනිම ආකාරයේ ගැටලු මතුවීමේ ඉඩකඩ ඇති බවත් විදෙස් මාධ්ය වැඩිදුරටත් වාර්තා කරනවා.
