මිසයිල, ගුවන් ආරක්ෂක රේඩාර් සහ ඩ්රෝන යානා ඇතුළු “සංවේදී ඇමරිකානු හමුදා තාක්ෂණය” චීනයට හොර රහසේ ගෙන යාමට උත්සාහ කළ බවට චෝදනා එල්ල වී සිටින බ්රිතාන්ය ජාතිකයෙකුට එක්සත් ජනපදයේ දී නඩු පවරා තිබෙනවා.
අන්තර් රාජ්ය ලුහුබැඳීම් සහ කුමන්ත්රණය කිරීම, ජාවාරම් කිරීම සහ අවි පාලන පනත උල්ලංඝනය කිරීම සම්බන්ධයෙන් චෝදනා එල්ල වී ඇති 63 හැවිරිදි ජෝන් මිලර් සහ චීන ජාතික කුයි ගුවැන්හායි, එෆ්බීඅයි විසින් සොයමින් සිටි බව විදෙස් මාධ්ය වාර්තා කළා.
ඇමරිකානු ස්ථිර පදිංචිකරුවෙකු වන මිලර් සහ 43 හැවිරිදි කුයි යන දෙදෙනාම සර්බියාවේදී අත්අඩංගුවට ගෙන ඇති අතර ඔවුන් එහි රැඳී සිටින අතර නුදුරේදීම එක්සත් ජනපදයට පිටුවහල් කරනු ඇතැයි මාධ්ය වාර්තාවල සඳහන්.
2023 නොවැම්බර් මාසයේදී ලොස් ඇන්ජලීස් හි පැවති ආසියා පැසිෆික් ආර්ථික සහයෝගීතා (Apec) සමුළුවට චීන ජනාධිපති ෂී ජින් පිං සහභාගී වීමට එරෙහිව විරෝධතා දැක්වීම වැළැක්වීමට කුමන්ත්රණයක් ක්රියාත්මක කිරීම සඳහා මෙම දෙදෙනා එක්සත් ජනපදයේ පුද්ගලයින් දෙදෙනෙකු බඳවා ගත් බවට ද අධිචෝදනා පත්රයේ චෝදනා එල්ල වී තිබෙනවා.
