Starlink මෙහෙයුම් දියත් කිරීම සඳහා රජය අවශ්ය සියලු ක්රියාවලීන් සම්පූර්ණ කර ඇති බවත්, ස්ටාර්ලින්ක් වෙතින් ලබාදීමට නියමිත තොරතුරු පුවරු (Dashboard) ලැබුණු පසු, මෙහෙයුම් ප්රමාදයකින් තොරව ආරම්භ කළ හැකි බවත් ඩිජිටල් ආර්ථික නියෝජ්ය අමාත්ය එරංග වීරරත්න පවසනවා.
නියෝජ්ය අමාත්යවරයා මේ බව සඳහන් කළේ, සිංගප්පූරුවේ පැවති 2025 ආසියානු තාක්ෂණ සමුළුවට සමගාමීව, සිංගප්පූරුවේ ශ්රී ලංකා මහ කොමසාරිස් කාර්යාලය විසින් සංවිධානය කරන ලද ද්විපාර්ශ්වික හමුවක් අතරතුර දී යි.
මෙම හමුව සඳහා මෙරට ඩිජිටල් ආර්ථික නියෝජ්ය අමාත්ය එරංග වීරරත්න සහ එක්සත් ජනපද රාජ්ය දෙපාර්තමේන්තුවේ ජාත්යන්තර සන්නිවේදන සහ තොරතුරු ප්රතිපත්ති සම්බන්ධීකාරක තානාපති ස්ටෙෆාන් ලැන්ග් එක් ව තිබුණා.
මෙහි දී ශ්රී ලංකා රජය ඩිජිටල් ලෙස පරිවර්තනය කිරීම සඳහා දරන පුළුල් උත්සාහයන් පිළිබඳව එක්සත් ජනපද රාජ්ය දෙපාර්තමේන්තුවේ ජාත්යන්තර සන්නිවේදන සහ තොරතුරු ප්රතිපත්ති සම්බන්ධීකාරක තානාපතිවරයා අගය කර ඇති අතර, ඒ සඳහා සහයෝගය පළ කර තිබෙන බවයි ඩිජිටල් ආර්ථික අමාත්යංශය පවසන්නේ.
ඊට අමතරව මෙහි දී තවත් උපායමාර්ගික ක්ෂේත්ර කිහිපයක් සාකච්ඡා කර ඇති අතර ඒ අනුව, Google සහ Meta වැනි ප්රමුඛ ගෝලීය තාක්ෂණික සමාගම් සමඟ ශ්රී ලංකාවේ ඩිජිටල් පරිවර්තනය සඳහා අඛණ්ඩ සහාය ලබා ගැනීම, රට තුළ දත්ත මධ්යස්ථාන පිහිටුවීම, AI මත පදනම් වූ දත්ත මධ්යස්ථාන සංවර්ධනය ඇතුළුව විවිධ අංශ හරහා කෘතිම බුද්ධිය (AI) ඒකාබද්ධ කිරීම, සයිබර් ආරක්ෂණ පනතේ දියුණුව සහ සයිබර් ආරක්ෂණ ඒජන්සිය ශක්තිමත් කිරීම,පවතින මාර්ගගත ආරක්ෂණ පනතට සංශෝධන එක් කිරීම, දත්ත ආරක්ෂණ පනතට සංශෝධන එක් කිරීම සම්බන්ධව අවධානය යොමුව තිබුණා.
