රසික රසි­කා­වියන් 82,000ක් එක්වූ ශකී­රාගේ ප්‍රසං­ග­යෙන් නිව්ජර්සි ප්‍රාන්තයේ සරම්ප පැති­රීමේ අව­දා­න­මක් තිබෙන එරට මාධ්‍ය වාර්තා කරනවා.

අමෙ­රි­කාවේ නිව්ජර්සි ප්‍රාන්තයේ පැවැති ලෝක පොප් ගීත ක්ෂේත්‍රයේ සුපිරි ගායි­කා­වක වන ශකී­රාගේ නව­තම ගීත ප්‍රසං­ගය නැරැ­ඹී­මට ගිය පුද්ග­ල­ය­කුට සරම්ප රෝගය ආසාදනය වී ඇති බව තහ­වුරු වීමෙන් පසු, එම ප්‍රසං­ග­යට සහ­භා­ගිවූ දහස් සංඛ්‍යාත ජන­තාවක් අතර සරම්ප රෝග වසං­ග­ත­යක් ව්‍යාප්ත වීමේ අව­දා­න­මක් මතුවී තිබෙන බවයි වාර්තා වන්නේ.

ඒ අනුව රසික රසි­කා­වි­යන් 82,000ක් පමණ සහ­භාගි වූ බව කියන ශකී­රාගේ ගීත ප්‍රසං­ගය නැරඹූ සරම්ප රෝග ආසා­දි­තයා තහ­වුරු වීමත් සමඟ නිව්ජර්සි ප්‍රාන්තයේ සෞඛ්‍ය දෙපා­ර්ත­මේ­න්තුව අන­තුරු ඇඟ­වීමේ නිවේ­ද­න­යක් නිකුත් කර තිබෙනවා.

අදාළ රෝගියා නිව්ජර්සි ප්‍රාන්ත වැසි­යකු නොවන බැවින් එම ප්‍රාන්තය තුළ රෝගය ව්‍යාප්ත­වීමේ අව­දා­නම ඉහළ ගොස් තිබෙන බව ද සඳහන්.

නිව්ජර්සි සෞඛ්‍ය දෙපා­ර්ත­මේ­න්තුව එම සංගීත ප්‍රසං­ග­යට සහ­භා­ගි­ වූ­වන්ට උප­දෙ­ස් මා ලා­වක් නිකුත් කර ඇති බවත්, ජූනි මස 6 වැනිදා වන­විට රෝග ලක්ෂණ මතු­විය හැකි බැවින් අව­ධා­න­යෙන් පසු­වන ලෙසත්, ප්‍රසං­ගය පැවැති පසු­ගිය 20 වැනිදා පස්වරු 7.00 සිට අලු­යම 1.00 දක්වා අතර කාලය තුළ ප්‍රසංග භූමියේ රැඳීසිටි පුද්ග­ල­යන්ට සරම්ප රෝගය ආසා­ද­නය වීමේ අව­දා­නම වැඩි බැවින් එවැනි පුද්ග­ල­යන් එම උප­දෙ­ස්මා­ලාව අනු­ග­ම­නය කළ යුතු බව ද දැනුම් දී තිබෙන බවයි වැඩිදුරටත් වාර්තා වන්නේ.