දශක ගණනාවක් තිස්සේ කලාපයේ සිදු වූ ප්රචණ්ඩත්වය, බලහත්කාරකම්, අතුරුදන් කිරීම් සහ මානව හිමිකම් උල්ලංඝනය කිරීම් උපුටා දක්වමින් බලුච් නායකයා ලෙස හැඳින්වෙන මිර් යාර් බලුච් ඊයේ (14) පාකිස්තානයෙන් නිදහස ප්රකාශ කළා.
X හි සටහනක ඔහු කියා සිටියේ බලුකිස්තානයේ ජනතාව ඔවුන්ගේ “ජාතික තීන්දුව” ලබා දී ඇති බවත් ලෝකය තවදුරටත් නිහඬව නොසිටිය යුතු බවයි.
එමෙන්ම ඔහු ඉන්දියානු පුරවැසියන්ගෙන්, මාධ්ය, යූ ටියුබ් ඇතුළු සමාජමාධ්ය ක්රියාකරුවන් ඇතුළු ලෝක ප්රජාවගෙන් ඉල්ලා සිටින්නේ බලොචිස්තාන්, පාකිස්තානයේම කොටසක් ලෙස හැඳින්වීමෙන් වළකින ලෙසයි.
බලොචිස්තාන් තවදුරටත් පාකිස්තානය නොවන බවත්, බලෝචි ජනතාව වීදි බැස පාකිස්තානයෙන් වෙන්වීමේ සතුට පළකරන බවත් එහි දැක්වෙනවා.
පාකිස්තානයේ සමස්ත මුළු භූමි ප්රමාණයෙන් 44%ක්ම නියෝජනය වන්නේ බලොචිස්තාන් පළාතයි.
කෙසේ නමුත් බලොචිස්තාන් යනු පාකිස්තානයේ අඩුම ජනගහනයක් ඇති පළාත ද වනවා.
බලොචිස්තාන් කලාපය ඉරානය හා ඇෆ්ගනිස්තායට මායිම්ව තිබෙන ප්රදේශයක්.
බලොචිස්තාන් විමුක්ති හමුදාව නමැති බෙදුම්වාදී කණ්ඩායමක් කලක සිට පාකිස්තානු රජයන්ට එරෙහිව දැවැන්ත අරගලයක නිතරව සිටිනවා.
පසුගිය මාර්තු මාසයේ දී ක්වෙටා සිට පෙෂාවර් බලා ධාවනය වෙමින් තිබූ දුම්රියක් පැහැරගෙන මගීන් 400කට ආසන්න පිරිසක් ප්රාණ ඇපයට ගනු ලැබුවේද මෙම විමුක්ති හමුදාව විසිනුයි.
