සිරි දළදා වන්දනාව සඳහා දළදා මාළිගා පරිශ්රය වෙත පැමිණෙන සැදැහැවතුන්ගෙන් ඉල්ලීමක් කර තිබෙනවා.
නිවේදනයක් නිකුත් කරමින් ජනාධිපති මාධ්ය අංශය සඳහන් කරන්නේ, පොලිතින් ඇතුළු නොදිරන ද්රව්ය රැගෙන ඒමෙන් වළකින ලෙසත්, දළදා මාළිගය අවට පරිසරයේ පවිත්රතාව රැක ගැනීම පිළිබඳව උපරිම අවධානය යොමු කරන ලෙසයි.
එසේම කැළිකසළ අදාළ ස්ථානවලටම පමණක් බැහැර කිරීම වෙනුවෙන් සාමුහිකව මැදිහත් වෙමින් පුරවැසියන් ලෙස වගකිම ඉටු කරන ලෙස “ක්ලීන් ශ්රී ලංකා” වැඩසටහන සිහිපත් කර සිටින බව ජනාධිපති මාධ්ය අංශය පවසනවා.
රට තුළ සාමාජයීය, පාරිසරික සහ ආචාරධාර්මික පිබිදීමක් ඇති කරමින් සමාජය වඩා ඉහළ තලයකට ඔසවා තැබීමේ අරමුණින් රජයේ ප්රමුඛ වැඩසටහනක් ලෙස “ක්ලීන් ශ්රී ලංකා” වැඩසටහන ක්රියාත්මක කර තිබේ. කැළිකසළවලින් තොර පරිසරයක් නිර්මාණය කිරීම මෙන්ම නිසි පරිදි කැළිකසළ බැහැර කිරීමේ යහ පුරුද්ද සමාජගත කිරීමද මෙම වැඩසටහන යටතේ විශේෂ අවධානයක් යොමු කර ඇති කරුණකි. පසුගිය දා ආරම්භ වූ සිරි දළදා දැක්මට සමගාමීව ශ්රී දළදා මාළිගා පරිශ්රය කේන්ද්ර කර ගනිමින් “ක්ලීන් ශ්රී ලංකා” වැඩසටහන යටතේ වැඩසටහන් රැසක් ක්රියාවට නංවා තිබෙනවා.
