අනුරාධපුර – පාදෙණිය ප්රධාන මාර්ගයේ ගල්ගමුව, මීගස් හන්දිය ප්රදේශයේ මාර්ගයේ තිබී මිය ගිය වනඅලි පැටවෙකුගේ සිරුරක් අද (18) උදෑසන සොයාගෙන තිබෙනවා.
මාර්ගයේ ගමන් ගත් වාහනයක ගැටී මෙම වනඅලියා අනතුරට ලක්ව මෙලෙස මිය යන්නට ඇති බවයි වනජීවී නිලධාරීන් පවසන්නේ.
මියගිය අලි පැටවාගේ ශරීරයේ අනතුරක් සිදු වූ බවට තුවාල දක්නට ලැබෙන බව එම නිලධාරීන් සඳහන් කළා.
මෙලෙස මියගොස් ඇත්තේ වයස අවුරුදු දෙකක් පමණවන අලි පැටවෙක්.
සිද්ධිය පිළිබඳව පරීක්ෂණ ගල්ගමුව වනජීවී කාර්යාලයේ නිලධාරීන් විසින් සිදුකරනු ලබනවා.
