අනුරාධපුර ශික්ෂණ රෝහලේ වෛද්යවරියකට ලිංගික අතවර සිදු කිරීමේ සිද්ධියේ සැකකරු ගල්නෑව පොලිසිය මගින් අත්අඩංගුවට ගෙන තිබෙනවා.
ඒ අනුව පොලීසිය පැවසූවේ අදාළ සැකකරුව අද (12) උදෑසන ගල්නෑව ප්රදේශයේ දී අත්අඩංගුවට ගත් බවයි.
සැකකරු හමුදාවෙන් පළා ගිය අයකු බවට ඊයේ (11) දිනයේ දීම හඳුනාගෙන තිබූ අතර ඔහු සොයා පොලිස් කණ්ඩායම් පහක් මඟින් විශේෂ මෙහෙයුමක් ක්රියාත්මක කළා.
මෙම සිදුවීම මුල් කර ගනිමින් සෞඛ්ය සේවකයන්ගේ ආරක්ෂාව තහවුරු කරන ලෙස ඉල්ලා අනුරාධපුර ශික්ෂණ රෝහලේ වෛද්යවරු ඇතුළු සියලු සෞඛ්ය කාර්යමණ්ඩල මේ වන විට අඛණ්ඩ වෘත්තීය ක්රියාමාර්ගයක් ආරම්භ කර ඇති අතර, රජයේ වෛද්ය නිලධාරී සංගමය විසින් අද දීප ව්යාප්ත වැඩ වර්ජනයක් පැවැත්වීමට තීරණය කර තිබෙනවා.
