ඉන්දීය ශීත ඍතු ක්‍රීඩා උළෙල මාර්තු 9 සිට 12 දක්වා පැවැත්වීමට මේවනවිට සියලු කටයුතු සූදානම් කර ඇති බව එරට මාධ්‍ය වාර්තා කරනවා.

ඒ සඳහා ඉන්දියාව පුරා සිටින ක්‍රීඩක ක්‍රීඩිකාවන් 300කට වැඩි පිරිසක් එක් වීමට නියමිත බවයි එම මාධ්‍ය වාර්තා පවසන්නේ.

කාශ්මීරයේ ගුල්මාර්ග් හි හිමෙන් පිරුණු පාරාදීසයේ සත්කාරකත්වය දරන මෙම උත්සවයට හිම ක්‍රීඩා සහ තවත් බොහෝ ක්‍රීඩා ඇතුළත් වන අතර, ඉන්දියාවේ ශීත ක්‍රීඩා සඳහා නැගී එන කේන්ද්‍රස්ථානයක් ලෙස එම කලාපය වෙත අවධානය යොමුව තිබෙනවා.

ඉන්දියාවේ ක්‍රීඩා අධිකාරිය සහ යෞවන කටයුතු හා ක්‍රීඩා අමාත්‍යාංශය විසින් සංවිධානය කරන මෙම ශීත ඍතු ක්‍රීඩා උළෙල ඉන්දියාවේ විවිධ ක්‍රීඩා කුසලතා අගයමින් බිම් මට්ටමේ ක්‍රීඩාව ප්‍රවර්ධනය කිරීම අරමුණු කරමින් පැවැත් වෙන බවයි එම මාධ්‍ය වාර්තා පවසන්නේ.

දින හතරක් පුරා පැවැත්වෙන මෙම ඉසව් සඳහා ක්‍රීඩක ක්‍රීඩිකාවන් Alpine Skiing, Nordic Skiing, සහ Snowboarding, ඇතුළු විවිධ කාණ්ඩ යටතේ තරග වදිනු ඇති අතර ඒ සඳහා පළපුරුදු තරගකරුවන්ගේ සිට නැගී එන ක්‍රීඩා තරු දක්වා සහභාගී වීමට නියමිතයි.