පලස්තීන ප්රාණ ඇපකරුවන් සිව්දෙනෙකුගේ මළ සිරුරු ආපසු ලබා දුන් බව ඊශ්රායලය පවසනවා.
ඒ ඊශ්රායලය සහ හමාස් සංවිධානය අතර එකඟ වූ සටන් විරාමයේ පළමු අදියර යටතේ සිදුවීමට නියමිතව තිබූ අවසන් හුවමාරුව යටතේයි.
ඒ අනුව ඊයේ මධ්යම රාත්රියේදී පමණ, ප්රාණ ඇපකරුවන් හතර දෙනෙකුගේ සිරුරු රතු කුරුස සංවිධානය හරහා ඊශ්රායලයට ආපසු ලබා දී තිබෙනවා.
ඉන්පසු ඊශ්රායලය පලස්තීන සිරකරුවන් 600 දෙනෙකුගෙන් පමණ පළමුවැන්නා නිදහස් කිරීම ආරම්භ කර ඇති අතර සමහරුන් වහාම ඊජිප්තුව හරහා පිටුවහල් කිරීමට නියමිතයි.
එමෙන්ම බහුතරයක් බටහිර ඉවුරට හෝ ගාසා තීරයට ආපසු ගොස් ඇති බවත් එහිදී ඔවුන් ප්රීති ඝෝෂා නඟමින් ජනතාව විසින් පිළිගනු ලැබු බවත් විදෙස් මාධ්ය වාර්තා කළා.
