අසාමාන්ය සිදුවීමක් සජීවී රූපවාහිනියේ පටිගත වීමෙන් පසු, එක්සත් ජනපද ජනාධිපති ඩොනල්ඩ් ට්රම්ප් ඕවල් කාර්යාලයෙන් ඓතිහාසික රිසොලියට් මේසය වහාම ඉවත් කිරීමට නියෝග කර තිබෙනවා.
ලොව අංක එකේ ප්රකෝටිපතියාවන එලොන් මස්ක් සමඟ ඒකාබද්ධ මාධ්ය සාකච්ඡාවක දී මස්ක්ගේ සිව් හැවිරිදි පුත්රයා ඔහුගේ නාසය හාරා ජනාධිපති ඩොනල්ඩ් ට්රම්ප්ගේ ඕවල් කාර්යාලයේ ඓතිහාසික රිසොලියට් මේසය මත ඇඟිල්ල අතුල්ලන අයුරු එම දර්ශනවල දැක්වෙනවා.
මේ සමඟ ඩොනල්ඩ් ට්රම්ප් ජනධිපතිවරයා නියෝග කර ඇත්තේ වහාම එම මේසය පිරිසිදු කිරීම සහ ප්රතිසංස්කරණය සඳහා එම ස්ථානයෙන් ඉවත් කරන ලෙසයි.
ඓතිහාසික රිසොලියට් මේසය සැලකෙන්නේ ඇමරිකානු ඉතිහාසයේ සහ එරට රාජ්ය නායකයින්ගේ සංකේතයක් ලෙසයි.
1961 සිට ජෝන් එෆ් කෙනඩි, ජිමී කාටර්, බිල් ක්ලින්ටන්, බැරැක් ඔබාමා සහ ජෝ බයිඩන් ඇතුළු එක්සත් ජනපද ජනාධිපතිවරුන් රැසක්ම මෙම මේසය භාවිත කර තිබෙනවා.
