නවදිල්ලි දුම්රිය ස්ථානයේ ඇති වූ තෙරපීමකින් පුද්ගලයින් 18 දෙනෙකු මියගොස් තිබෙනවා.
එමෙන්ම තවත් පුද්ගලයින් පිරිසක් තුවාල ලබා ඇති බවයි ඉන්දීය මාධ්ය වාර්තා කළේ.
මියගිය අයගෙන් 11 දෙනෙක්ම කාන්තාවන් වන අතර, ළමුන් සිව්දෙනෙකු ද සිටින බවයි වාර්තා වුණේ.
මහා කුම්භ උත්සවය සඳහා මගීන් රැගෙන යෑමට පැමිණි දුම්රිය දෙකක් ප්රමාදවීම හේතුවෙන් ඊයේ (15) රාත්රියේ නවදිල්ලි දුම්රිය ස්ථානයේ මෙම තෙරපීම සිදුව තිබෙනවා.
දුම්රිය ස්ථානයේ තත්ත්වය පාලනය කිරීම සඳහා අතිරේක ආරක්ෂක හමුදා යොදවා ඇති අතර, ගිනි නිවන රථ හතරක් ද ස්ථානගත කිරීමටයි කටයුතු කර ඇත්තේ.
කෙසේ වෙතත් ඉන්දීය දුම්රිය අමාත්ය අශ්විනි වෛෂ්ණව් පැවසුවේ තත්ත්වය මේ වනවිට පාලනය කර ඇති බවයි.
මේ අතර මෙම සිද්ධියෙන් මියගිය හා විපතට පත්වූවන් වෙනුවෙන් ඉන්දීය අග්රාමාත්ය නරේන්ද්ර මෝදි සිය කණගාටුව පළකර තිබෙනවා.
