ඊශ්‍රායලය ද එක්සත් ජාතීන්ගේ මානව හිමිකම් කවුන්සිලය (UNHRC) වර්ජනය කර තිබෙනවා.

අමෙරිකා එක්සත් ජනපදය අනුගමනය කරමින් ඊශ්‍රායලය මෙම තීන්දුව ගෙන ඇති බවයි අල් ජසීරා පුවත් සේවය වාර්තා කළේ.

ඒ අනුව ඊශ්‍රායලය මින් ඉදිරියට එක්සත් ජාතීන්ගේ මානව හිමිකම් කවුන්සිලයේ නීති ප්‍රකාර ව ක්‍රියාත්මක නොවනු ඇති.

ඊශ්‍රායල විදේශ අමාත්‍යවරයාගේ නිවේදනයට ප්‍රතිචාර වශයෙන්, UNHRC ප්‍රකාශක පැස්කල් සිම් පැවසුවේ ඊශ්‍රායලයට අයිතිවාසිකම් ආයතනය තුළ නිරීක්ෂක රාජ්‍ය තත්ත්වය ඇති බවත්, එබැවින් කවුන්සිලයෙන් ඉවත් විය නොහැකි බවයි.

ජිනීවා පදනම් කරගත් කවුන්සිලය එක්සත් ජාතීන්ගේ සාමාජික රටවල් 47කින් සමන්විත වන අතර, අනෙකුත් එක්සත් ජාතීන්ගේ සාමාජිකයින් විසින් වසර හතරක කාලයක් සේවය කිරීම සඳහා තෝරා පත් කර ගනු ලබනවා.

ඩොනල්ඩ් ට්‍රම්ප්ගේ පාලනයත් සමග එක්සත් ජනපදය ද මේ වනවිට එක්සත් ජාතීන්ගේ මානව හිමිකම් කවුන්සිලයෙන් ඉවත් ව සිටිනවා.

බ්‍රහස්පතින්දා, ඊශ්‍රායල විදේශ අමාත්‍ය ගිඩියොන් සාර් UNHRC යුදෙව් විරෝධී බවට චෝදනා කළ අතර තම රට “එක්සත් ජනපදයට එක්වන බවත් UNHRC හි සහභාගී නොවන බවත් පැවසුවා.