ස්පාඤ්ඤයේ ලියොනොර් කුමරිය දෙවෙනි අධියර වශයෙන් පසුගිය දිනෙක සිය නාවික හමුදා පුහුණුව ආරම්භ කර තිබෙනවා.

ඒ රජ කිරුළට උරුමකම් කියන සියලුම රාජකීයයන් හමුදා පුහුණුව ලැබීම අනිවාර්ය වේ යන සම්ප්‍රධායට ගරු කරමින්.

සම්ප්‍රධායට අනුව කිරුළට උරුමකම් කියන්නන් වසර 03ක හමුදා පුහුණුව ලැබිය යුතු අතර ඒ වෙනුවෙන් ඇය වසරක යුද හමුදා පුහුණුව පසුගිය දිනෙක අවසන් කරනු ලැබුවා.

එහි දෙවැනි අධියර වශයෙනුයි ඇය නාවික හමුදා පුහුණුව මෙසේ ආරම්භකර ඇත්තේ.

ඇය නාවික පුහුණු ලබන්නේ ජුආන් සෙබැස්තියන් ද එල්කානෝ නෞකාවේදීයි.

පසුගිය බදාදා, ලියනෝර් කුමරිය, නෞකාව භාරව සිටි අය සමඟ සහ අනෙකුත් මධ්‍ය නැව් සේවකයින් 75 දෙනා අතර පළමු හමුවීම සිදුවූ අතර ඔවුන් කුමරිය සමඟ සාගර කිහිපයක ජලයේ යාත්‍රා කරමින් පුහුණුවේ නිරතවන බවටයි තොරතුරු වාර්තා වන්නේ.

ඇගේ පියා වන VI ෆෙලිපේ (King Felipe VI) රජු සහ ඇගේ සීයා වන ජුවාන් කාලෝස් රජුගේ අඩිපාරේ යමින්, ලියොනොර් කුමරිය සාගර දෙකක් හරහා යාත්‍රා කර ඇමරිකාවේ වරායන් දහයක්ද කේන්ද්‍රකර ගනිමින් මෙම පුහුණුවට මුහුණ දෙන බවයි විදෙස් මාධ්‍ය පෙන්වා දෙන්නේ.

ඇගේ පියාවෙන VI ෆෙලිපේ රජු මෙම පුහුණුවට මුහුණ දී ඇත්තේ 1987 වර්ෂයේදීයි.

පුහුණුව සඳහා පිටව යන දියණිය අමතා VI ෆෙලිපේ රජු පවසා සිටියේ මෙවැනි අදහසක්.

“ආදරණීය ලියනෝර්, මට සහ ඔබේ සීයාට සිදු වූ පරිදි, ඔබේ හමුදා පුහුණුවේ හොඳම මතකයන් අතර පවතිනු ඇති. අපි කවුද සහ අපි කවුද යන්න පිළිබඳව ඔබට බොහෝ දේ මෙම පුහුණුව උගන්වනු ඇති” මට මෙන්, ජීවිත කාලය පුරාම ඔබටත් වටිනා අත්දැකීමක් වනු ඇති බැවින්, ඔබට සහ ඔබේ සගයන්ට “මිනිස් සහ නාවික” අත්දැකීමෙන් උපරිම ප්‍රයෝජන ගැනීමට හැකිවේවායි මම ප්‍රාර්ථනා කරමි.”

නාවික හමුදා පුහුණුවෙන් පසුව ලියොනොර් කුමරියගේ ගුවන් හමුදා පුහුණුව ආරම්භ වීමට නියමිතයි.

ගුවන් හමුදා පුහුණුව අවසන් නිමාවට පත්වීමෙන් අනතුරුව සම්ප්‍රධායට අනුව ඇයගේ වසර තුනක හමුදා පුහුණුව අවසන් වෙනු ඇති.