දකුණු කොරියා හිටපු ජනාධිපතිවරයා අත්අඩංගුවට ගැනීම සඳහා පොලිසිය ක්රියාත්මක කළ මෙහෙයුම අත්හිටුවා තිබෙනවා.
හිටපු ජනාධිපති යුන් සුක් යෙයෝල් අත්අඩංගුවට ගැනීම සඳහා එරට පොලිසිය පැය 6ක මෙහෙයුමක් දියත් කළා.
මෙහෙයුම අවසන් කිරීමට තීරණය කෙරුණේ ඔහුගේ ආරක්ෂක නිලධාරීන් සහ ඔහුගේ ආධාරකරුවන් සමග පොලිසිය ඇතිකර ගත් ගැටුමත් සමඟයි.
හිටපු ජනාධිපතිවරයා අත්අඩංගුවට ගැනීමට පොලිසිය ඔහුගේ නිවසට පැමිණියා.
ඒත් සමග මෙම මතභේදාත්මක තත්ත්වය මතුව තිබෙනවා.
යුන් සුක් යෙයෝල් අත්අඩංගුවට ගැනීමට සෝල් අධිකරණය වරෙන්තුවක් නිකුත් කර ඇති පරිසරයකයි මෙසේ අත්අඩංගුවට ගැනීමට උත්සහ දරා තිබෙන්නේ.
ඔහු පසුගිය දෙසැම්බර් තුන්වනදා යුද නීතිය පැනවීමට ගත් උත්සාහය සම්බන්ධයෙන් අධිකරණයේ නඩුවක් විභාග වනවා.
