දිල්ලියේ ද්වාරකා ප්‍රදේශයේ පෞද්ගලික පාසලකට බෝම්බ තර්ජනයක් එල්ල වී තිබෙනවා.
එම තර්ජනයට ප්‍රතිචාර වශයෙන්, හදිසි ප්‍රතිචාර කණ්ඩායම් පාසලට යවා ඇති අතර ඉගැන්වීම් කටයුතු මාර්ගගත ක්‍රමයට සිදුවන බවයි
දිල්ලි පොලිසිය පවසන්නේ.
ඉන්දියාවේ අගනුවර පාසල්වලට බාධා කරමින් මෙවැනි තර්ජන එල්ල වූ පළමු අවස්ථාව මෙය නොවන අතර පසුගිය දෙසැම්බර් 14 වන දින, දිල්ලි පොලිස් විශේෂ ඒකකය විසින් පෂ්මි විහාර් පාසලට බෝම්බ තර්ජන ඇතැයි ලැබුණු විද්‍යුත් තැපෑල් පණිවිඩයක් නිසා පරීක්ෂණ පවත්වා තිබුණා.
නමුත් පසුව හෙළිවූයේ එම සාවද්‍ය පණිවිඩය යැවූ පුද්ගලයා පෞද්ගලික පාසලක සිසුවෙකු බවයි.
මීට අමතරව දෙසැම්බර් 14 සහ 17 යන දිනවලත් දිල්ලියේ පාසල් කිහිපයකට බෝම්බ තර්ජන ඇතැයි සඳහන් ඊමේල් පණිවිඩ ලැබී තිබුණා. 13වන දින පමණත් දිල්ලිය පුරා පිහිටි පාසල් 30කට බෝම්බ තර්ජන ඇති බවට සාවද්‍ය පණිවිඩ ලැබී තිබුණා.
