දකුණු කොරියානු හිටපු ආරක්ෂක අමාත්‍ය Kim Yong-hyun සියදිවි හානි කරගැනීමට උත්සාහ කර තිබෙනවා.

සිය යට ඇඳුම් උපයෝගී කරගනිමින් කිම් යන්ග් මෙලෙස සියදිවි තොර කරගැනීමට උත්සාහ දැරුව ද එය අසාර්ථක වී ඇති බවයි විදෙස් මාධ්‍ය වාර්තා කළේ.

පසුගිය සතියේ දී දකුණු කොරියානු ජනාධිපතිවරයා විසින් පනවන ලද හදිසි යුද නීති තත්ත්වය ක්‍රියාත්මක කිරීමට විශාල බලපෑමක් කළ අයෙකු ලෙසටයි හිටපු ආරක්ෂක අමාත්‍ය කිම් යොන් හ්‍යුන් සැලකෙන්නේ.

ඔහු මේ වනවිට රැඳවුම් මධ්‍යස්ථානයක රඳවා ඇති අතර එතුළදි යි ඔහු සියදිවි නසා ගැනීමට තැත් කර ඇති බව අධිකරණ අමාත්‍යාංශයේ නිලධාරියෙක් පාර්ලිමේන්තුවට ප්‍රකාශ කර ඇත්තේ.

පසුගිය සතියේ රට යුද නීතිය යටතට පත් කිරීමට ජනාධිපතිවරයා ගත් අසාර්ථක උත්සාහයේ සම්පූර්ණ වගකීම භාරගත් දකුණු කොරියාවේ හිටපු ආරක්ෂක අමාත්‍ය Kim Yong-hyun සියදිවි නසා ගැනීමට උත්සාහ කර ඇත්තේ ඉන් ඇති වූ කම්පනයෙන් පසු ව බවත් වාර්තා වනවා.

යූන්ගේ කම්පනයට පත් වූ යුද නීතිය හමුවේ, කිම් ඇතුළු ඉහළ නිලධාරින් සිය ධුරවලින් ඉල්ලා අස්වුණා.