ජාත්‍යන්තර මෝස්තර නිරූපණ ඉතිහාසයේ සංක්‍රාන්ති ලිංගික තරුණියක් පළමුවරට වසරේ නිරූපිකාවට හිමි සම්මානය දිනාගත් බව විදෙස් මාධ්‍ය වාර්තා කරනවා.
21 හැවිරිදි ඇලෙක්ස් කොන්සානි (Alex Consani) නමැති මේ අමෙරිකානු ජාතික තරුණිය පසුගියදා බ්‍රිතාන්‍ය විලාසිතා කවුන්සිලයේ විලාසිතා සම්මාන උලෙළේදී එම සම්මානයට පාත්‍ර වී ඇති අතර, එම ජයග්‍රහණයත් සමඟ ඇයට වික්ටෝරියා සීක්‍රට් සහ බර්බරි වැනි ලෝක ප්‍රකට සන්නාම සමඟ කටයුතු කිරීමේ අවස්ථාව ද හිමි වී තිබෙන බවයි වාර්තා වන්නේ.
දශක ගණනාවක් පුරා කාන්තා ආධිපත්‍යයට නතුවී තිබූ ගෝලීය මෝස්තර නිරූපණ ක්ෂේත්‍රය තුළ සංක්‍රාන්ති ලිංගික තරුණියන්ට ද අවස්ථාව හිමිවීම ජයග්‍රහණයක් බව සම්මානය දිනා ගැනීමෙන් පසු ඇලෙක්ස් කොන්සානි ප්‍රකාශ කර ඇති අතර, සාම්ප්‍රදායික නිරූපණයෙන් ඔබ්බට ගොස් ප්‍රේක්ෂකයන් ආකර්ෂණය කර ගැනීමට ඉදිරියේදී ලොව පුරා සියලු සංක්‍රාන්ති ලිංගික තරුණියන්ට අවස්ථාව හිමිවනු ඇති බව ද වාර්තා වනවා.
