ශ්‍රී ලංකාවේ සංචාරයක නිරත වන නවසීලන්ත ක්‍රිකට් කණ්ඩායම මින්නේරිය ජාතික වනෝද්‍යානයේ විනෝද චාරිකාවකට එක් වී තිබෙනවා.

ඒ නොවැම්බර් 9 වැනිදා රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වන ඔවුන්ගේ විස්සයි20 තරගාවලියට පෙර විවේක දින හේතුවෙන්.

පසුගිය අඟහරුවාදා ශ්‍රී ලංකාවට පැමිණි කණ්ඩායම පළමු විස්සයි20 තරගය සඳහා සූදානම් වෙමින් සිටින අතර දෙවැනි තරගය නොවැම්බර් 10 වැනිදා පැවැත්වීමට නියමිතයි.

තරග තුනකින් සමන්විත එක්දින තරගාවලිය 2024 නොවැම්බර් 13, 17 සහ 19 යන දිනවල පැවැත්වීමට නියමිතව තිබෙනවා.

පළමු එක්දින තරග තුන දඹුල්ල ක්‍රීඩාංගණයේදී පැවැත්වෙන අතර අවසන් තරග දෙක පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වෙනවා.

රංගිරි දඹුල්ල ක්‍රීඩාංගණයේ මේ වනවිට විස්සයි20 තරග 24ක් පවත්වා තිබෙන අතර පළමුව පන්දුවට පහරදුන් කණ්ඩායම අවස්ථා 10ක් ජයගෙන ඇති අතර දෙවනුව පන්දුවට පහරදුන් කණ්ඩායම අවස්ථා 14ක් ජයගෙන තිබෙනවා.

2024 ඔක්තෝබර් 17 වැනිදා රංගිරි දඹුල්ල ක්‍රීඩාංගණයේදී පැවැති අවසන් විස්සයි20 තරගයෙන් ශ්‍රී ලංකාව කඩුලු 9කින් බටහිර ඉන්දීය කොදෙව් පිල පරාජය කළා.