ඇමරිකාව විසින් ඉරානය ඉලක්ක කර දියත් කර ඇති හමුදා මෙහෙයුම් අතිශය සාර්ථක මට්ටමක පවතින බව ඇමරිකානු ආරක්ෂක ලේකම් පීට් හෙග්සෙත් ප්රකාශ කර තිබේ.
ඔහු සඳහන් කරන්නේ, මෙම මෙහෙයුම් හේතුවෙන් ඉරානයේ නාවික හමුදාව සම්පූර්ණයෙන්ම දුර්වල වී ඇති අතර, මේ වන විට එරටට ක්රියාකාරී නාවික හමුදාවක් හෝ නාවික නායකත්වයක් නොමැති තත්ත්වයක් උදා වී ඇති බවයි.
පවතින තත්ත්වය “පිරිසිදු ඇමරිකානු සාර්ථකත්වයක්” ලෙස විස්තර කළ ඔහු, මෙය ඉතිහාසයේ සුවිශේෂී මෙහෙයුමක් ලෙස සටහන් වනු ඇති බවද පැවසීය.
තවද, මෙම යුද මෙහෙයුම නිමාවක් නොමැති යුද්ධයක් නොව, ඉරානයේ මිලිටරි හැකියාවන් විනාශ කර එරටට න්යෂ්ටික ආයුධ නිෂ්පාදනය කිරීමට ඉඩ නොදීම අරමුණු කරගත් නිශ්චිත මෙහෙයුමක් බවද ඔහු අවධාරණය කළේය.
ඇමරිකාව මේ වන විට පහළින් පියාසර කරන යානා භාවිතා කරමින් මෙහෙයුම් සිදු කරන බවත්, එමඟින් ඉරානයේ ගුවන් ආරක්ෂණ පද්ධති දුර්වල වී ඇති බවත් ඔහු සඳහන් කළේය.
එමෙන්ම, ඇමරිකාව සාම ගිවිසුමක් සඳහා සෑම විටම සූදානමින් සිටින බවත්, ඕනෑම එකඟතාවක් පිළිගන්නා බවත් ප්රකාශ කළ ඔහු, “යුද්ධය යනු සාකච්ඡා මාර්ගයේ තවත් දිගුවක්” බවද වැඩිදුරටත් කියා සිටියේය.
