‘ක්ලබ් වසන්ත’ නොහොත් සුරේන්ද්‍ර වසන්ත පෙරේරා ඝාතන සිද්ධියට සම්බන්ධ දෙවැනි වෙඩික්කරු සහ මෝටර් රථ රියදුරුව අත්අඩංගුවට ගෙන තිබෙනවා.
ඒ පානදුර පොලීසියේ කොට්ඨාස අපරාධ විමර්ශන කාර්යාංශයේ නිලධාරීන් විසින්.
ඊයේ (28) සවස පින්වත්ත පොලිස් වසමේ පිරිවෙන හංදියේ බස්නැවතුම්පල අසල දී මොවුන් අත්අඩංගුවට ගෙන තිබෙන බවයි පොලිසිය සඳහන් කළේ.
මෙලෙස අත්අඩංගුවට ගෙන ඇත්තේ ගාල්ල නාගොඩ සහ අහුංගල්ල ප්‍රදේශ වල පදිංචිව 32 සහ 29 යන වයස්වල පසුවන පුද්ගලයන් දෙදෙනෙක්.
සැකකරුවන් සම්බන්ධයෙන් වැඩිදුර විමර්ශන පානදුර කොට්ඨාස අපරාධ විමර්ශන කාර්යාංශය සිදු කරනවා.
