ආසියාවේ විශාලතම ගුවන් හා ආරක්ෂක ප්රදර්ශනය වන සිංගප්පූරු ගුවන් ප්රදර්ශනයේදී (Singapore Airshow 2026) කාගේත් අවධානය දිනාගත් සුවිශේෂී අංගය බවට පත්ව ඇත්තේ Gulfstream සමාගමේ G700 සුපිරි ජෙට් යානයයි.
සාමාන්ය මගී ගුවන් යානා අභිබවා යමින්, ලොව සුපිරි ධනවතුන්ගේ ආකර්ෂණය දිනා ගැනීමට මෙම යානය සමත්ව ඇත.
ඩොලර් මිලියන ගණනක් වටිනා මෙම ජෙට් යානය තුළට පිවිසෙන අයෙකුට එය ගුවන් යානයකට වඩා සුපිරි නිවසක අත්දැකීමක් ලබා දෙයි.
ඒ අනුව යානය තුළ විසිත්ත කාමරයක් (Living Area), රූපවාහිනී පද්ධති සහ සෝෆා ඇතුළත් වේ.
යානයේ පිටුපස කොටසේ ස්නානය කිරීමේ පහසුකම් සහිත සුපිරි නිදන කාමරයක් (Grand Suite with a shower) පිහිටා ඇත.
එමෙන්ම ගුවන් ගමන් වලදී ඇතිවන විඩාව (Fatigue) අවම කිරීම සඳහා යානය තුළ වායු පීඩනය සහ ශබ්දය පාලනය කිරීමට විශේෂ තාක්ෂණයක් යොදා ගෙන ඇත.
ගෝලීය වශයෙන් පෞද්ගලික ජෙට් යානා භාවිතය 2024 වසරට වඩා 5% කින් වර්ධනය වී ඇති අතර, එය පූර්ව වසංගත සමයට වඩා 35% ක ඉහළ යාමකි. මෙයට ප්රධාන හේතු කිහිපයක් බලපා ඇත. එනම්:
1) ඩොලර් මිලියන 30කට වඩා වත්කම් ඇති පුද්ගලයින්ගේ සංඛ්යාව පසුගිය වසර 5 තුළ 70% කින් ඉහළ ගොස් ඇත.
2) සාමාන්ය ගුවන් ගමන් වලදී සිදුවන කාලය නාස්තිය අවම කරමින් සෘජුවම ගමනාන්තය වෙත යාමට ඇති හැකියාව.
3) වියට්නාමය, ඉන්දුනීසියාව, තායිලන්තය සහ ඉන්දියාව වැනි රටවලින් පෞද්ගලික ජෙට් යානා සඳහා ඇති ඉල්ලුම කැපී පෙනෙන ලෙස ඉහළ ගොස් තිබේ.
කෙසේ වෙතත්, මෙම ප්රවණතාවය පරිසරවේදීන්ගේ දැඩි විවේචනයට ලක්ව ඇත.
පෞද්ගලික ජෙට් යානා මගින් පරිසරයට මුදා හරින කාබන් ප්රමාණය සාමාන්ය ගුවන් යානයකට වඩා බෙහෙවින් වැඩි වීම මෙයට හේතුවයි.
මෙයට පිළියමක් ලෙස තිරසාර ගුවන් ඉන්ධන (Sustainable Aviation Fuel) භාවිතයට නිෂ්පාදකයින් අවධානය යොමු කර ඇත.
පෞද්ගලික ජෙට් යානා වලට අමතරව Starlux වැනි වාණිජ ගුවන් සේවාවන් ද දැන් සිය මගීන්ට පළමු පන්තියේ (First Class) සුපිරි පහසුකම් සැපයීමට වැඩි වැඩියෙන් ආයෝජනය කරමින් සිටියි.
