රියලිටි තරගාවලියකින් ක්ෂේත්රයට ඇවිල්ලා මේ වෙද්දි ගායනයෙන් රංගනයෙන් ප්රේක්ෂකයන්ගේ හදවත් දිනාගත්තු අයෙක් තමයි අපූර්වා ආශාවරී. මේ දවස්වල අපූර්වා ‘සංගීතේ‘ ටෙලි නාට්යයෙන් ප්රේක්ෂකයන්ට සමීප වෙලා. ඒ නිසාම මේ සොඳුරු කතාබහ අපූර්වා ආශාවරී සමඟයි…
කොහොමද ජීවිතේ?
ජීවිතේ හොඳින් සතුටින් ඉන්නවා.
සංගීතේ නාට්යයට සම්බන්ධ වෙන්නෙ කොහොමද?
ටීවී දෙරණ ඩ්රීම් ස්ටාර් එකෙන් පස්සේ මට රංගනයෙන් දායක වෙන්න කියලා ආරාධනාවක් ලැබෙනවා. ලක්සිරි සර්ගෙන් තමයි ඒ ඇරියුම මට ලැබුණේ.
මේ වෙද්දී ලැබෙන ප්රතිචාර ගැන කිවුවොත්?
මුල් කාලේ නම් දරුණු ප්රතිචාර ලැබුණා. දැන් සාමාන්ය මට්ටමට පත් වෙලා හොඳ නරක දෙකම ලැබෙනවා.
අපූර්වා දිගටම රඟපායිද?
ඒක නම් කොහොම වෙයිද කියන්න බැහැ. සංගීතයට තමයි මුල් තැන දෙන්නේ. ඒ අතරේ හොඳ නිර්මාණයක් ලැබුණොත් රඟපානවා.
අලුත් සින්දුවක් කරන්නෙ නැද්ද?
මේ වෙද්දී අලුත් සින්දුවක් කරලා තියෙන්නේ. ලබන අවුරුද්දේ මුලදී රසිකයන්ට ඒ නිර්මාණය අහන්න පුළුවන් වෙයි.
සින්දු කියන එක ද රඟපාන එක ද ලේසි?
සින්දු කියන එක සහ රංගනය කියන්නේ අංශ දෙකක්. මම සංගීතයෙන් කලාවට ආව නිසා ද කොහෙද මට නම් රංගනය අසීරුයි කියලයි දැනෙන්නේ.
ඩ්රීම් ස්ටාර් වේදිකාව ජීවිතේ කොයි තරම් වෙනස් කළාද?
ඩ්රීම් ස්ටාර් වේදිකාව තමයි මගේ ජීවිතේම වෙනස් කළේ. ඒ ලැබුණු දේවල් මෙන්න මෙහෙමයි කියන්න බැරි තරම්. මගේ මුළු ජීවිතේම හැරවුම් ලක්ෂ්යය ඩ්රීම් ස්ටාර් වේදිකාව කිවුවොත් හරි.
සංජයගෙන් ලැබෙන ආදරේ ගැන කිව්වොත්…
ඇත්තටම ඒ ආදරේ මගේ ජීවිතේට ලොකු ශක්තියක්. මම විශ්වාස කරන්නේ ගැහැනු ළමයෙක්ට ලැබෙන්න ඕනේ ඒ වගේ ආදරයක්.
සංජයගේ දකින හොදම ගුණාංගය මොකක් ද?
එයාගේ නරකක් කියලා කියන්න දෙයක් නැහැ. මාත් එක්කම ඉඳලා මාව දරුවෙක් වගේ ආදරෙන් බලා ගන්න එක තමයි මම කැමතිම දේ.
අපූර්වා ටිකක් වෙනස් වෙලා වගේ, ඒ ගැන මොකද හිතෙන්නෙ.
පෙනුම කියන දේ ජීවිතේ ඉතින් විවිධ කාල වලදී වෙනස් වෙනවා. ඒක ස්වභාවිකවත් වෙනවා, ඒ හැර විවිධ දේවල් හරහා අපි වෙනස් කර ගන්න අවස්ථාත් තියෙනවා. මම කොහොමත් මගේ පෙනුම ගැන හිතන කෙනෙක්.
අපූර්වා කියන්නෙ මොන වගේ කෙනෙක් ද?
මම මගේ ගැන විශ්වාස කරන්නේ,
ෆැෂන් කරන්න ගොඩක් කැමැති කෙනෙක් නේද?
ඔව්. මම ආසයි ලස්සනට පිළිවෙළට ඉන්න. ඒ එක්කම එක එක කාලෙට එන මට ගැළපෙන දේවල් මම කරනවා.
ටැටුස් කරලා තියෙනවද?
දැනට නම් ටැටුස් කරලා නැහැ. කරන්න ආසාවක් නම් තියෙනවා. බලමු ඉස්සරහට.
කේන්දරේ විශ්වාස කරනවද?
ඉස්සර නම් කේන්දරේ විශ්වාස කළේ නැහැ. නමුත් මෑත කාලයක ඉඳන් ඒ ගැන විශ්වාසයක් ඇති වෙලා තියෙනවා.
පවුලේ විස්තර …
අම්මත් මල්ලිත් මමත්. තාත්තා ජීවතුන් අතර නැහැ.
තාත්තා හිටියා නම් අද කොයි තරම් සතුටු වෙයිද?
තාත්තා හිටියා නම් මම අද ඉන්න තැන ගැන ලොකු සතුටක් තියෙයි. මොකද මම හිතන්නේ මේ මම හැබෑ කර ගත්තේ තාත්තා දැකපු හීනයක්. මට අවුරුදු 10දී තාත්තා මිය යන්නේ. නමුත් මට දැනුම් තේරුම් ඇති කාලේ ඉඳන් තාත්තා මට කිවුවේ සින්දු කියන්න කියලා. තාත්තා ගායකයෙක් නොවුණට තාත්තටත් හරිම ලස්සන කටහඬක් තිබුණු කෙනෙක්. මගේ අම්මටත් එහෙමයි. ඒ දෙන්නටම ලස්සනට සින්දු කියන්න පුළුවන්.
පවුලේ අයගෙන් ලැබෙන සහයෝගය කොහොමද?
අද මම ඉන්නේ මගේ පවුලෙන් සහ මම ආදරේ කරන කෙනාගෙන් ලැබෙන ලොකු සහයෝගය නිසා. පවුල කියන දේ තුළින් තමයි මට මේ පන්නරය ලැබුණේ. පවුල තමයි මගේ ජීවිතේ හැමදේම.
ප්රේක්ෂක ආදරේ ගොඩක් සතුටුයි. ඒ ආදරේ නිසා තමයි අපි මේ ක්ෂේත්රයේ රැඳිලා ඉන්නේ. ඒ නිසා හැමෝටම ආදරෙන් කියන්නේ හැමදාම අපි එක්ක ඉන්න. අපිට දෙන ආදරේ වගේම අපිත් හැමදාමත් ප්රේක්ෂක ආදරේට ආදරේ කරනවා සහ ගරු කරනවා.
අනාගත බලාපොරොත්තු මොනවාද?
මම කැමැතියි ගායන ක්ෂේත්රයෙන් ලංකාවෙන් එළියට යන්න. ඒක තමයි මගේ එකම බලාපොරොත්තුව. ඒ වෙනුවෙන් තමයි මම මහන්සි වෙන්නේ සහ වැඩ කරන්නේ.
