පුංචි තිරයට අලුතින්ම පායපු තාරකාවක් වන ඇය හිරිපොද වැස්ස, අහස් වැනි ටෙලි නාට්යවලින් අපට සමීප වූ චිත්මිණි මැදවලයි. අද කතාබහ ඇයත් සමඟයි.
කොහොමද මේ දවස්වල ජීවිතේ…?
මේ දවස්වල රූගත කිරීම් නිසා තරමක් කාර්ය බහුලයි. විශ්වවිද්යාලයේ අධ්යාපන කටයුතු නිමකළ නිසා පූර්ණකාලීනව රංගන කාර්යයට කාලය යොදවා තිබෙනවා. ස්වර්ණවාහිනියේ ” හිරිපොද වැස්ස” ස්වාධීන රූපවාහිනියේ “සිහිනයක තනිවෙලා” යන නිර්මාණවල රූගත කිරීම් මේ දිනවල සිදු වෙනවා. ඒ වගේම ජගත් බෙනරගම අයියගේ මම සහ ඔබ ටෙලි නාට්යයේ වැඩ පටන් ගෙන තිබෙනවා.
ඔබ කලා ක්ෂේත්රයට පිවිසෙන්නේ කොහොමද?
2022 වසරේ හිරු අවුරුදු කුමරිය තරගාවලියේ අවසන් පස්දෙනා අතරට මම තේරී පත්වෙනවා. ඒ වගේම එහි හොඳම කේශ කල්යාණයට හිමි තැනැත්තිය ලෙසත් මාව තේරී පත්වෙනවා. එකී තරගාවලියෙන් පසුවයි මට කලා ක්ෂේත්රයේ නිර්මාණ සඳහා ආරාධනා ලැබෙන්නේ.
ඔබ අවුරුදු කුමරියක් වුණේම රංගනයට අවශ්ය පාර කපාගන්නද?
නැහැ. මට මුලින්ම ඒ ක්ෂේත්ර දෙකටම ලොකු කැමැත්තක් තිබුණෙ නැහැ. නමුත් මට හිතුණා හිරු අවුරුදු කුමරියට අයැදුම්පතක් යොමු කරන්න. අවුරුදු කුමරිය තරගාවලියෙන් ඉදිරියට ගියා පසුවයි මට කලා ක්ෂේත්රයට පිවිසෙන්න කැමැත්තක් ඇති වුණේ. එයින් ලැබුණු ආත්ම විශ්වාසය මාව කලා ක්ෂේත්රයට පිවිසෙන්න ලොකු තල්ලුවක් දුන්නා.
කලා ක්ෂේත්රය තුළ පැවැත්ම රඳා පවත්වා ගැනීමට වගේම තරු ගුණය නඩත්තු කරන්න ඔබ යොදන උපක්රම මොනවාද?
කලා ක්ෂේත්රය තුළ පැවැත්ම රඳවා ගැනීමට නම් අපේ උත්සාහය අත්යවශ්ය වෙනවා. කෙටි පාරවල් නිවැරදි නැති මාර්ගවලින් කලා ක්ෂේත්රයේ ඉදිරියට ගියාම පැවැත්ම කෙටිකාලීනයි. කවුරු හරි අපෙන් වාසියක් ලාභ ප්රයෝජනයක් තකා අපට යම් චරිතයක් ලබා දෙනවා නම් එකී චරිතයෙන්ම අපේ ගමන නවතිනවා. මම හිතන්නේ අපේ පැවැත්ම රඳවා ගැනීමට අපේ දක්ෂතාව වගේම කලාව පිළිබඳ අධ්යයනය අත්යවශ්යයි කියලා.
මෙවැනි චරිතයක් ලැබුණොත් ඔබේ උපරිමය පෙන්නන්න පුළුවන් කියා හිතෙන ආකාරයේ චරිතයක් තිබෙනවද?
මට ලැබෙන ඕනෑම චරිතයකට උපරිම සාධාරණයක් කළ හැකියි කියා මම විශ්වාස කරනවා. හැබැයි මම ටිකක් කැමැතියි පොලිස් කාන්තාවක් වැනි තරමක් රෞද්ර චරිතයක් නිරූපණය කරන්න. මම හිතනවා රෞද්ර හෝ නපුරු චරිතයක් තුළින් මගේ උපරිම දක්ෂතාවය පෙන්වීමට හැකියාව ලැබෙයි කියලා.
ඔබ මෙතෙක් කල් අහිංසක චරිතවලටම කොටුවුණ නිසාද නපුරු චරිතයක් කරන්න කැමැත්තක් ඇති වුණේ….?
ඇත්තටම ඔව්. මට ලැබුණු ගොඩක් නිර්මාණවල අහිංසක චරිතයි නිරූපණය කරන්න අවස්ථාව ලැබුණේ. චරිතය තුළ යම් යම් අවස්ථාවල නපුරු වෙන ජවනිකා තිබුණත්, එකී චරිත ස්වභාවය නිවුණු වගේම අහිංසක චරිතයි. ඒ නිසා අහිංසක චරිතවලින් මම පිට පනින්න කැමැතියි.
රිදී තිරයත් අතික්රමණය කරන්න අදහසක් නැද්ද?
චිත්රපටි කිහිපයකටම ආරාධනා ලැබුණා. නමුත් මම හිතනවා චිත්රපටයකට යන්න තරම් මම තාම මුවහත් නැහැ කියලා. මොකද පුළුල් තිරය හා පුංචි තිරය කියන්නේ එකිනෙකට හාත්පසින්ම වෙනස් ක්ෂේත්ර දෙකක්. මම හිතනවා රිදී තිරය අතික්රමණය කරන්න මුහුණේ හැඩය පවා වෙනස් කරගත යුතුයි කියලා. රංගන කාර්යය තුළ මම සිටින්නේ ප්රාථමික අවධියකයි. ඒ නිසා රංගනය ගැන හොඳින් හදාරා රිදී තිරයට පිවිසෙන්න බලාපොරොත්තු වෙනවා.
ඔබ නිර්මාණයක් තෝරාගන්නේ ස්වයං වාරණයකට යටත්වද?
ඇත්තටම ඔව්. මට ලැබෙන හැම චරිතයක්ම මම භාරගන්නේ නැහැ. ඇඳුම් පැලඳුම් චරිතයේ ස්වභාවය වගේම පිටපත ගැනත් මම අවධානය යොමු කරලයි එකී චරිතය භාර ගන්නේ. මොකද චරිතයක් භාර ගත්තහම ඒ චරිතය දාලා යන්න මම කැමැති නැහැ.
කලා ක්ෂේත්රයට නවකයෙක් ලෙස පිවිසෙන විට කැපිලි කෙටිලි ආවද?
කැපිලි කෙටිලි තරමක් තිබුණා. නමුත් ප්රවීණ වගේම කලා ක්ෂේත්රයේ දැවැන්තයන් ලෙස හඳුන්වන බහුතරයකගේ ආදරය වගේම මඟ පෙන්වීම ලැබුණා.
ඔබ වැඩිපුර කැමැති යථාර්ථවාදී චරිත කරන්නද ෆැන්ටසි චරිත කරන්නද?
මම ගොඩක් කැමැති යථාර්ථවාදී චරිත කරන්න. පොළොවේ පය ගහල ඉන්න, ඇත්ත ලෝකයේ ජීවත්වෙන චරිත කළාම අපට යමක් කළා යැයි ආත්ම තෘප්තියක් දැනෙනවා. ෆැන්ටසි චරිත තරම් මිනිසුන් අතරට යන්න අමාරු වුණත් යථාර්ථවාදී චරිතයක් කළාම මිනිස්සුන්ට මතක හිටිනවා වැඩියි.
ඔබ පෙම්වතියක්ද?
ඔව්.. මම පෙම්වතියක්.
ඔහු ක්ෂේත්රයට සම්බන්ධ කෙනෙක්ද?
නැහැ, ඔහු ක්ෂේත්රයට සම්බන්ධ කෙනෙක් නෙමෙයි. ඔහු ගැන විස්තර මං පසුව කියන්නම්.
