විශ්ව රූ රැජින සංවිධානයේ සම හිමිකාරියකට එරෙහිව වංචා නඩුවක් සම්බන්ධයෙන් අත්අඩංගුවට ගැනීමේ වරෙන්තුවක් තායිලන්තයේ අධිකරණයක් විසින් නිකුත් කර තිබේ.

ජක්කපොං ඈන් ජක්රාජුටාටිප් නම් මෙම සම-හිමිකාරියට 2023 වසරේදී වංචා චෝදනා එල්ල වුණා. අත්අඩංගුවට ගෙන තිබූ ඇය පසුව ඇප මත මුදා හැර තිබූ බවයි විදෙස් මාධ්‍ය වාර්තා කරන්නේ.

කෙසේ වෙතත්, ඇය පෙරේදා බැංකොක් අධිකරණයේ පෙනී සිටීමට අපොහොසත් වූ වී තිබේ.

ඇගේ නොපැමිණීම පිළිබඳව අධිකරණයට දැනුම් නොදීම හේතුවෙන්, බැංකොක් දකුණු දිස්ත්‍රික් අධිකරණය විසින් ඇය පලා යාමේ අවදානමක් ඇති බවට සළකා වරෙන්තු නිකුත් කර තිබුණේය.

අධිකරණයේ ප්‍රකාශයට අනුව, ජක්කපොං සහ ඇගේ සමාගම වන JKN ග්ලෝබල් සමාගම ට එරෙහිව 2023 දී ආයතනික බැඳුම්කර විකිණීමේදී රවිවාත් නම් පුද්ගලයකුට වංචා කළ බවට නඩු පවරා තිබුණි.

මෙම ආයෝජනය හේතුවෙන් තමාට බාත් මිලියන 30 ක් ($930,362) අහිමි වූ බව රවිවාත් පවසයි.

මූල්‍යමය වශයෙන් ගැටලු ඇති JKN සමාගම 2023 වසරේ සිට ආයෝජකයින්ට ගෙවීම් පැහැර හැර තිබේ.

2024 දී බංකොලොත් සමාගම් පිළිබඳ කටයුතු කරන මධ්‍යම අධිකරණය සමඟ ණය ප්‍රතිසංස්කරණ ක්‍රියා පටිපාටි ආරම්භ කළේය.

සමාගමට බාත් බිලියන 3 ක් ($93 මිලියන) පමණ වන මුළු ණය ප්‍රමාණයක් ඇති බවයි වාර්තා වී ඇත්තේ.

අධිකරණය විසින් මෙම නඩුවේ විභාගය දෙසැම්බර් 26 දක්වා කල් තබා තිබේ.

විශ්ව රූ රැජින සංවිධානය ඇමරිකානු ඩොලර් මිලියන 20 කට තායි ව්‍යාපාරිකාවක වන ඇය විසින් මිලදී ගෙන තිබුණේ 2022 වසරේදීයි.

ඇය තායිලන්තයේ ව්‍යාපාරික ක්ෂේත්‍රයේ ප්‍රබලයෙක් මෙන්ම සංක්‍රාන්ති ලිංගික කාන්තාවක්කාන්තාවක්.

JKN ග්ලෝබල් සමූහය පාලනය කරන ඈන්, තායිලන්තයේ ප්‍රසිද්ධ චරිතයක්.

ඇය රියැලිටි වැඩසටහන්වල රඟපා ඇති අතර සංක්‍රාන්ති ලිංගික කාන්තාවක් ලෙස ඇයගේ අනන්‍යතාවය පිළිබඳව විවෘතව අදහස් දක්වන්නියක් බවයි පැවසෙන්නේ.

ඇය සංක්‍රාන්ති ලිංගික අයිතිවාසිකම් ප්‍රවර්ධනය කිරීම සඳහා Life Inspired For Transsexual Foundation නම් ලාභ නොලබන සංවිධානයක් පිහිටුවීමට ද උදව් කර තිබේ.

JKN සමාගම ප්‍රකාශ කළේ, විශ්ව රූ රැජින සංවිධානය 2015 වසරේ සිට පවත්වාගෙන ගිය, ක්‍රීඩා, දක්ෂතා සහ ඉසව් අලෙවිකරණ සමාගමක් වන IMG වර්ල්ඩ්වයිඩ් LLC (IMG Worldwide LLC) වෙතින් විශ්ව රූ රැජින තරඟයේ අයිතිය අත්පත් කර ගත් බවයි.

මෙම අලංකරණ තරඟයේ අයිතිය 1996 වසරේ සිට IMG විසින් මිල දී ගන්නා තෙක් හිටපු එක්සත් ජනපද ජනාධිපති ඩොනල්ඩ් ට්‍රම්ප් එහි සම-හිමිකරුවෙකු ලෙස කටයුතු කළේය.

JKN සමාගම විශ්ව රූ රැජින සංවිධානය හිමිකර ගැනීම සඳහා එක්සත් ජනපදය තුළ JKN මෙටාවර්ස් ඉන්කෝපරේටඩ් නම් අනුබද්ධිත සමාගමක් පිහිටුවා ඇති බව ද සඳහන් කළේය.

IMG ට අනුව, විශ්ව රූ රැජින තරගය රටවල් 165 ක විකාශය කෙරෙයි.