අමෙරිකාවේ සියලුම ගුවන් ගමන් සීමා කිරීම් ෆෙඩරල් ගුවන් සේවා පරිපාලනය (FAA) විසින් ඉවත් කර තිබේ.
ඒ අනුව සාමාන්ය මෙහෙයුම් නැවත ආරම්භ කළ හැකි බවට නිවේදනය කර ඇති බවයි එරට වාර්තා පැවසුවේ.
අමෙරිකානු රජයේ වසා දැමීම හේතුවෙන් ඇතිවූ ගුවන් ගමන්වලට බාධා අවසන් කිරීමේ අරමුණින් මෙම පියවර ගත් බව සඳහන්.
පෙරේදා දිනයේදී, FAA සහ එක්සත් ජනපද ප්රවාහන දෙපාර්තමේන්තුව විසින් සියලුම සීමා කිරීම් සඳුදා උදෑසන වන විට අවසන් කරන බව නිවේදනය කළේය.
FAA විසින් සති අන්තය තුළදී පවා සීමා කිරීම් යම් තරමකට ලිහිල් කර තිබුණි.
සීමා ඉවත් කර තිබුණද, සඳුදා වන විටත් ගුවන් ගමන් කඩාකප්පල්වීම් දහස් ගණනක් පැවතුණේය.
ගුවන් ගමන් නිරීක්ෂණ වේදිකාවක් වන FlightAware අනුව, සඳුදා සන්ධ්යාව වන විට එක්සත් ජනපදය තුළ, ඇතුළට හෝ පිටතට ගුවන් ගමන් 79ක් අවලංගු වී ඇති අතර, ප්රමාදයන් 3,600කට වඩා වාර්තා වී තිබුණේය.
කෙසේ වෙතත්, මෙය වසා දැමීමේ උච්චතම අවස්ථාවේදී දිනකට ගුවන් ගමන් 5,000කට වඩා වැඩි සංඛ්යාවකට බලපෑ බාධා කිරීම්වලට වඩා අඩු වූ අතර
කාර්ය මණ්ඩල හිඟය හේතුවෙන් රට පුරා ගුවන් ගමන් කඩාකප්පල් විය.
මන්ද ගුවන් තදබදය පාලනය කරන්නන් සහ අනෙකුත් ෆෙඩරල් සේවකයන්ට සති ගණනාවක් වැටුප් නොලැබී තිබීම ඊට හේතුවයි.
මෙහි ප්රතිඵලයක් ලෙස, එක්සත් ජනපදය හරහා ගමන් කරන ගුවන් ගමන් දහස් ගණනක් දිනපතා ප්රමාද වීම් හෝ අවලංගු කිරීම්වලට ලක්විය.
ප්රවාහන ලේකම් ෂෝන් ඩෆී මීට පෙර ආරක්ෂක ගැටලු නිසා, ප්රධාන ගුවන් තොටුපළ 40ක ගුවන් ගමන් 10%කින් අඩු කරන බවට නිවේදනය කර තිබුණේය.
අමෙරිකානු ඉතිහාසයේ දීර්ඝතම වසා දැමීම අවසන් කිරීමට ගත් තීරණය පසුගිය සතියේ අවසන් අදියරට ළඟා වන විට, වැඩි පාලකයන් සංඛ්යාවක් රැකියාවට පැමිණෙන බව ප්රවාහන දෙපාර්තමේන්තුව නිවේදනය කළේය.
එමෙන්ම ගුවන් ගමන් අඩු කිරීම් සැලසුම් කළ තරම් වැඩි නොවන බව ද ප්රකාශ කළේය.
රජයේ වසා දැමීම බදාදා අවසන් වූ දා සිට කාර්ය මණ්ඩල මට්ටම් දිගින් දිගටම ඉහළ ගොස් ඇති බවට රජය ප්රකාශ කරයි.
ගුවන් සේවා විශේෂඥයින් අනතුරු ඇඟවූයේ එක්සත් ජනපදයේ ගුවන් ගමන් සම්පූර්ණයෙන්ම සාමාන්ය තත්ත්වයට පත්වීමට සති කිහිපයක් ගතවිය හැකි බවයි.
