ඔස්ට්‍රේලියානු රජය ජාත්‍යන්තර ශිෂ්‍ය වීසා සඳහා නව නීතියක් (උප පංතිය 500) ප්‍රකාශයට පත් කර තිබේ

වීසා අයදුම්පත් කළමනාකරණය කරන ආකාරය ඉන් වෙනස් කර ඇති බව සඳහන්.

Ministerial Direction 115 ලෙස හැඳින්වෙන මෙම නීතිය අද සිට ක්‍රියාත්මක වන අතර කලාපීය සහ නගර පදනම් කරගත් අධ්‍යාපන සැපයුම්කරුවන් හරහා ජාත්‍යන්තර සිසුන් සාධාරණ ලෙස බෙදා හැරීම සහතික කිරීම මෙහි අරමුණයි.

මෑත වසරවලදී, ඕස්ට්‍රේලියාව අධ්‍යාපන අංශයේ සමතුලිත වර්ධනයක් පවත්වා ගැනීම කෙරෙහි අවධානය යොමු කර තිබේ.

2025 වසරේදී, නව ශිෂ්‍ය අයදුම්පත් සංඛ්‍යාව 26% කින් පමණ පහත වැටී ඇති අතර, පාඨමාලා ආරම්භයන් ද පසුගිය වසරට සාපේක්ෂව 16% කින් අඩු විය.

පසුගිය වසර කිහිපය තුළ ඔස්ට්‍රේලියාවට ජාත්‍යන්තර ශිෂ්‍ය වීසා අයදුම්පත් ඉතා විශාල සංඛ්‍යාවක් ලැබී තිබූ අතර එය විශ්ව විද්‍යාල, නවාතැන් පහසුකම් සහ දේශීය සම්පත් මත පීඩනයක් ඇති කරනු ලැබුවා.

එබැවින් රජය විසින් ශිෂ්‍ය වීසා නීති දැඩි කිරීම, මෙම වසරේ අයදුම්පත් සංඛ්‍යාව අඩුවීමට හේතුවී තිබෙනවා.

එහෙත් Ministerial Direction 115 යටතේ පෙර රීතිය වන Ministerial Direction 111 ප්‍රතිස්ථාපනය කෙරෙනවා.

එහිදී, වීසා සැකසීම වඩාත් සාධාරණ ලෙස හසුරුවනු ලබන අතර ජාත්‍යන්තර ශිෂ්‍ය සංඛ්‍යාව වගකීමෙන් කළමනාකරණය කරන අධ්‍යාපන සැපයුම්කරුවන්ට වීසා සැකසීමේදී ඉහළ ප්‍රමුඛතාවයක් ලැබෙනු ඇති.

මේ අතර ඔස්ට්‍රේලියාව වෙත පැමිණීමට බලාපොරොත්තු වන ඉන්දීය සිසුන්ට වඩා පැහැදිලි වීසා ක්‍රියාදාමයක් සහ ගුණාත්මක ආයතනවලට වඩා හොඳ අවස්ථා ලබාදීමට ද නියමිතයි.

අදාළ ආයතනවලට නව රීතිය තේරුම් ගැනීමට උපකාර කිරීම සඳහා, ඕස්ට්‍රේලියානු රජය නොවැම්බර් සහ දෙසැම්බර් මාසවලදී තොරතුරු සැසි පැවැත්වීමට ද සැලසුම් කර තිබේ.