චීන ජාතික කාන්තාවක් සමඟ තිබූ ප්රේම සබඳතාවක් හෙළි නොකිරීමේ වරදට අමෙරිකානු රාජ්ය තාන්ත්රිකයකු සේවයෙන් පහ කර තිබෙනවා.
මෙය එරට රාජ්ය සේවා ඉතිහාසයේ මෙවැනි හේතුවක් මත කරනු ලැබූ පළමු සේවයෙන් නෙරපීම බවයි රාජ්ය දෙපාර්තමේන්තුව පවසන්නේ.
ට්රම්ප්ගේ පරිපාලනය විසින් ගන්නා ලද මෙම තීරණය අමෙරිකානු රාජ්ය දෙපාර්තමේන්තුව විසින් නිවේදනය කර තිබුණා.
රාජ්ය දෙපාර්තමේන්තුවේ ප්රකාශක ටොමී පිගොට් පැවසුවේ, “චීන කොමියුනිස්ට් පක්ෂය (CCP) සමඟ සබඳතා ඇති බව දන්නා චීන ජාතික කාන්තාවක් සමඟ ඇති ප්රේම සබඳතාවක් වසන් කළ බව පිළිගත් විදේශ සේවා නිලධාරියෙකුගේ සේවය රාජ්ය දෙපාර්තමේන්තුව නිල වශයෙන් අවසන් කර ඇත”යනුවෙන්.
අදාළ චීන කාන්තාව ඔත්තුකාරියක් විය හැකිව තිබූ නමුත්, ඔත්තු බැලීම් සම්බන්ධයෙන් කිසිදු සාක්ෂියක් තිබේද යන්න පිළිබඳව ඔහු සඳහන් කර නැහැ.
සේවයෙන් පහ කළ සේවකයාට අනුව, ඔහුගේ සහකාරියගේ පියාකොමියුනිස්ට් පක්ෂයේ සාමාජිකයෙක්.
මෙම සේවයෙන් පහ කිරීම සිදුව ඇත්තේ, ට්රම්ප් නැවත ධුරයට පත් වූ පසු අත්සන් කරන ලද විධායක නියෝගයක් යටතේ ගනු ලැබූපළමු දැනුම් දුන් සේවයෙන් පහ කිරීම ලෙසයි.
එම නියෝගයෙන් සියලුම සේවකයින්ටජනාධිපතිවරයාගේ ප්රතිපත්තිය විශ්වාසවන්තව ක්රියාත්මක කරන ලෙස නියෝග කර තිබුණා.
ප්රකාශක පිගොට් වැඩිදුරටත් අවධාරණය කළේ, “අපේ රටේ ජාතික ආරක්ෂාවට පිළිබඳ රාමුවට හසුවන ඕනෑම සේවකයෙකු සම්බන්ධයෙන් අපි ඉවසීමේ ප්රතිපත්තිය බිංදුවයි” ලෙසයි.
අමෙරිකාව මේ වසරේ මුලදී චීනයේ සේවකයින්ට ප්රදේශවාසීන් සමඟ ප්රේම සබඳතා ඇති කර ගැනීම සීමා කරන බව කියා තිබුණා.
