ගාසා තීරයේ යුද්ධය අවසන් කිරීම සහ මැද පෙරදිග දීර්ඝ කාලයක් තිස්සේ අපේක්ෂිත සාමය ඇති කර ගැනීම සඳහා හමාස් සංවිධානය සමඟ පවත්වන සාකච්ඡා ඉතා ධනාත්මක බව අමෙරිකානු ජනාධිපති ඩොනල්ඩ් ට්රම්ප් පවසනවා.
කෙසේවෙතත් මේ සතිය තුළ පළමු අදියර අවසන් විය යුතු බවත්, ඉක්මන් නොවුණහොත් කිසිවකු දකින්නට අකමැති දේවල් දකින්නට සිදුවේවි යැයි ද ඔහු අනතුරු අඟවා තිබෙනවා.
“කාලය අත්යාවශ්ය සාධකයක්, එසේ නොවුවහොත්, කිසිවෙකුට දැකීමට අවශ්ය නොවන මහත් ලේ වැගිරීමක් සිදුවනු ඇති” ට්රම්ප් අවධාරණය කළා.
ට්රම්ප්ගේ කාරණා 20 කින් යුත් ගාසා සටන් විරාම සැලැස්ම පදනම් කරගෙන ගිවිසුමක් අවසන් කිරීමේ අපේක්ෂාවෙන් හමාස්, ඊශ්රායලය සහ අමෙරිකාව යන රටවල නියෝජිත පිරිස් හෙට (07) සිට ඊජිප්තුවේදී සාකච්ඡා පැවැත්වීමට නියමිතයි.
මෙම සාකච්ඡාෂාම් එල් ෂෙයික්හිදී අඛණ්ඩව සිදුවන බවයි විදෙස් වාර්තාවල දැක්වෙන්නේ.
ට්රම්ප් පවසා සිටින්නේ මෙම සාකච්ඡා ප්රාණ ඇපකරුවන් නිදහස් කිරීම, ගාසා යුද්ධය අවසන් කිරීම සහ වඩා වැදගත්වන්නේ මැද පෙරදිග සාමය ඇති කර ගැනීම අරමුණු කරගත් බවයි.
සති අන්තයේදී හමාස් සංවිධානය සහ අරාබි, මුස්ලිම් සහ අනෙකුත් සියලුම රටවල් සමඟ ඉතා ධනාත්මක සාකච්ඡා පැවැත්වූ බව ඔහු ප්රකාශ කළා.
මෙම සාකච්ඡා ඉතා සාර්ථක වන අතර වේගයෙන් ඉදිරියට යන බවයි ට්රම්ප් පවසන්නේ.
ජනාධිපතිවරයා අපේක්ෂා කරන්නේ සාකච්ඡා අවසන් කිරීමටදින කිහිපයක් පමණක් ගතවනු ඇති බවයි.
තාක්ෂණික කණ්ඩායම් ඊජිප්තුවේදී සඳුදානැවත හමුවීමට නියමිත අතර ට්රම්ප් පවසන පරිදි, පළමු අදියර මෙම සතිය තුළ සම්පූර්ණ කළ යුතුයි.
ට්රම්ප් සෑම කෙනෙකුගෙන්ම ඉල්ලා සිටින්නේවේගයෙන් කටයුතු කරන ලෙසයි.
ට්රම්ප්, ගාසා තීරයට බෝම්බ හෙලීම තාවකාලිකව නවත්වන ලෙසඊශ්රායලයෙන් ඉල්ලා සිටි නමුත්, සති අන්තයේ ඊශ්රායල ප්රහාර හේතුවෙන් එන්ක්ලේව්හි10 දෙනෙකුට වැඩි පිරිසක් මිය ගොස් තිබුණා.
ට්රම්ප් වැඩිදුරටත් ඊශ්රායලයට බලපෑම් කරන්නේ මෙම යෝජනාව සමඟ ඉදිරියට යන ලෙසයි.
හමාස් සංවිධානය ගාසා තීරයේ බලය අත්හැරීම ප්රතික්ෂේප කළහොත්”සම්පූර්ණයෙන්ම විනාශ වී යනු ඇතැයි” ඔහු ප්රකාශ කර තිබුණා.
මේ අතර, හමාස් සංවිධානය ගාසා තීරය පුරාමියගිය ප්රාණ ඇපකරුවන්ගේ සිරුරු එකතු කිරීම ආරම්භ කර තිබෙනවා.
මෙය ජීවත්ව සිටින ප්රාණ ඇපකරුවන් ගෙන යාමට වඩාවැඩි කාලයක් ගත වන ක්රියාවලියක් ලෙසයි හමාස් පවසා ඇත්තේ.
හමාස් නිලධාරියෙකු මාධ්ය නාළිකාවක් වෙත පැවසුවේ, සිරුරු එකතු කිරීම සම්පූර්ණ කිරීම සඳහා ගුවන් ප්රහාර නතර කරන ලෙස ඔවුන් ඊශ්රායලයෙන් ඉල්ලා ඇති බවයි.
හමාස් සංවිධානය කියා සිටින්නේ ජීවත්ව සිටින ප්රාණ ඇපකරුවන් නිදහස් කිරීම එක් අදියරකින් සිදුවනු ඇති බවයි.
පලස්තීනුවන් බිම් මට්ටමේ පවතිනවිනාශයසහ සටන් විරාමයක් පිළිබඳ ඔවුන්ගේසුභවාදී බව ප්රකාශ කර තිබෙනවා.
ට්රම්ප් මෙම සියවස් ගණනාවක් පැරණි ගැටුමදිගටම අධීක්ෂණය කරන බව ද අවධාරණයෙන් කියා සිටියා.
