මෑතකදී ඉරානයේ සිට ආපසු පැමිණි සංක්රමණිකයන් පිරිසක් රැගත් මගී බස් රථයක් බටහිර ඇෆ්ගනිස්ථානයේ, හේරත් පළාතේ දී ට්රක් රථයක සහ යතුරුපැදියක ගැටීමෙන් පුද්ගලයන් 71 දෙනකු මියගොස් තිබෙනවා.
මියගිය අය අතර ළමුන් 17 දෙනකු සිටින බව පළාත් රජයේ ප්රකාශක අහමදුල්ලා මුත්තකි පැවසුවේ.
ගුසාරා දිස්ත්රික්කයේ හේරත් නගරයෙන් පිටත මාර්ගයකදී බස් රථයේ “අධික වේගය සහ නොසැලකිල්ල” හේතුවෙන් මෙම අනතුර සිදු වූ බව හේරත් පළාතේ පොලිසිය සඳහන් කර තිබෙනවා.
බස් රථය අගනුවර වන කාබුල් වෙත යන අතරතුර, බස් රථයේ ගමන් කරමින් තිබී ඇති අතර ගුසාරා දිස්ත්රික්කයේ පොලිසිය පැවසුවේ අඟහරුවාදා රාත්රියේ සිදුවූ මෙම අනතුරට යතුරුපැදියක් ද සම්බන්ධ වී ඇති බවයි.
බස් රථය මුලින්ම යතුරුපැදියේ ගැටී, පසුව ඉන්ධන ප්රවාහනය කරමින් තිබූ ට්රක් රථයේ ගැටී ඇති අතර, ගැටුමෙන් ගින්නක් ඇති වූ බව පොලිසිය සඳහන් කළා.
බස් මගීන් තිදෙනකු දිවි ගලවාගෙන තිබෙන අතර ට්රක් රථයේ ගමන් කළ දෙදෙනෙකු සහ යතුරුපැදියේ ගමන් කළ තවත් දෙදෙනෙකු මියගිය අය අතර වනවා.
