එක්සත් ජනපද රාජ්‍ය දෙපාර්තමේන්තුව විසින් නියමු වැඩසටහනක් ක්‍රියාත්මක කිරීමට නියමිත අතර, ඒ අනුව ව්‍යාපාරික හෝ සංචාරක වීසා අපේක්ෂා කරන විදේශීය ජාතිකයින්ට එක්සත් ජනපදයට ඇතුළුවීම සඳහා අමෙරිකානු ඩොලර් 15,000ක් දක්වා බැඳුම්කරයක් ඉදිරිපත් කිරීමට අවශ්‍ය විය හැකි බව විදෙස් මාධ්‍ය වාර්තා කරනවා.

මාස 12ක “වීසා බැඳුම්කර නියමු වැඩසටහන” යටතේ, කොන්සියුලර් නිලධාරීන්ට ඇතැම් ව්‍යාපාරික සහ සංචාරක වීසා අයදුම්කරුවන්ට අමෙරිකානු ඩොලර් 5,000, ඩොලර් 10,000 හෝ ඩොලර් 15,000ක ඇපකර බැඳුම්කර ඉදිරිපත් කිරීමට අවශ්‍ය විය හැකි බවටයි සඳහන් වන්නේ.

රාජ්‍ය දෙපාර්තමේන්තුව විසින් ඉහළ වීසා කාලයක් රැඳී සිටින බවට හඳුනා ගන්නා රටවල සංචාරකයින් හෝ ප්‍රමාණවත් පරීක්ෂණ සහ පරීක්ෂා කිරීමේ තොරතුරු නොමැති අය සඳහා බැඳුම්කර අවශ්‍ය විය හැකි බව සඳහන්.

මේ සම්බන්ධයෙන් නිකුත් කර ඇති නිවේදනයේ බලපෑමට ලක් වූ රටවල් නම් කර නොමැති නමුත් ලැයිස්තුව බලාත්මක වීමට අවම වශයෙන් දින 15කට පෙර අන්තර්ජාලයට නිකුත් කරන බව සඳහන් වෙනවා.