ඔස්ට්රේලියාවේ ෂාක් බොක්කෙහි ජීවත් වන ඇතැම් ඩොල්ෆින් සතුන් මසුන් දඩයම් කිරීමට, සෙරිනීමා පරිසරය තුළ නොපෙනෙන නව තාක්ෂණික ක්රමයක් භාවිතා කරන බව පර්යේෂණයකින් අනාවරණය වී තිබෙන බව විදෙස් මාධ්ය වාර්තා කරනවා.
ඒ අනුව ඩොල්ෆින් මසුන් විටක නාසයක් මෙන් ඔවුන්ගේ හොට මත ස්පොන්ජියක් තබාගෙන දඩයම් කිරීම සිදු කරනවා.
මෙම ක්රමය නිසා ඔවුන්ගේ නාසයට හානි වීමෙ වළක්වන අතර, මුහුදු පතුලේ සිට ආහාර සෙවීම සඳහා විශේෂ ක්රමවේදයක් ලෙසද මෙම ක්රමය භාවිත කරන බවයි සඳහන් වන්නේ.
මෙම ආකාරයේ හැසිරීම පරම්පරා ගණනාවක් තිස්සේ පැවත එන්නක් වූවත්, ඒ සඳහා දැඩිව පුහුණු විය යුතු බව පර්යේෂකයින් පවසා තිබෙනවා.
දඩයම් කිරීමේදී ස්පොන්ජ් භාවිතා කිරීම ඩොල්ෆින් මසුන්ගේ echolocation හැකියාවන්ට බාධා කරන බවත් එහිදී ඔවුන් දෝංකාරවලට සවන් දීම, ශබ්ද නිකුත් කිරීම සහ ඉලක්ක වස්තු හඳුනා ගැනීම ආදී ක්රියාවන්ට බාධා වන බවත් පරීක්ෂණය මඟින් හෙළි වී තිබෙනවා.
ආර්හස් විශ්ව විද්යාලයේ සම-කර්තෘ එලන් රෝස් ජේකබ්ස් පවසන්නේ, ස්පොන්ජ් මසුන්ට වෙස්මුහුණුක් මෙන් බලපෑමක් ඇති කරන බවයි.
ජේකබ්ස් සහ කණ්ඩායමක් විසින්, දිය යට මයික්රෆෝන භාවිතයෙන් ඩොල්ෆින් සතුන්ගේ ක්රියාකලාප පරීක්ෂා කර තිබෙන අතර, ඔවුන් ස්පොන්ජ් භාවිත කළත් තවම echolocation ක්ලික් භාවිතා කරෙන බවට තහවුරු වූ බව විදෙස් මාධ්යට පවසා තිබෙනවා.
මේ විශේෂ දඩයම් ක්රමය ඩොල්ෆින් පවුලේ අවුරුදු 3–4ක් පමණ වයසැති පැටවුන් මවන්ගෙන් නිරීක්ෂණය කරමින් ඉගෙන ගන්නා බවටද පර්යේෂණවල සඳහන් වන බවයි වාර්තා වන්නේ.
කෙසේ වෙතත්, ෂාක් බොක්කෙහි ජීවත් වන ඩොල්ෆින් ග්රහණයෙන් 5% ක් පමණක් මෙම හැසිරීම දැක්වීම නිසා එය අති දුර්ලභ ක්රියාවලියක් බව පැහැදිලියි.
පර්යේෂකයින් පවසන්නේ මෙම කුසලතාව ඉගෙන ගැනීමට වසර ගණනාවක් ගත වන අතර, සෑම ඩොල්ෆින් සත්වයෙකුම එම ක්රමය සඳහා යොමු නොවන බවයි.
