උතුරු ගාසා තීරයේ එක්සත් ජාතීන්ගේ ආධාර ලොරි එනතුරු බලා සිටි ගාසා වැසියන් අවම වශයෙන් 67 දෙනෙකු ඊශ්රායල හමුදාව විසින් ඝාතනය කර ඇති බව හමාස් සංවිධානය පාලනය යටතේ පවතින සෞඛ්ය අමාත්යාංශය පවසනවා.
එක්සත් ජාතීන්ගේ ලෝක ආහාර වැඩසටහන පැවසුවේ එහි ට්රක් රථ 25 ක රථ පෙළ ඊශ්රායලයෙන් එතෙර වී මුරපොලවල් වලින් ඉවත් වූ විටම “කුසගින්නෙන් පෙළෙන සිවිල් වැසියන් විශාල පිරිසක් වෙඩි තබා ඝාතනය කළ” බවයි.
ඊශ්රායල ආරක්ෂක හමුදා (IDF) පැවසුවේ “ක්ෂණික තර්ජනයක්” ඉවත් කිරීම සඳහා “අනතුරු ඇඟවීමේ වෙඩි තැබූ” බවයි.
සෙනසුරාදා අමාත්යාංශය අනතුරු ඇඟවූයේ ගාසා තීරයේ දැඩි කුසගින්න වැඩි වෙමින් පවතින බවත්, “අධික වෙහෙස සහ තෙහෙට්ටුවෙන්” එහි පහසුකම් වෙත පැමිණෙන පුද්ගලයින් සංඛ්යාව වැඩි වන බවයි.
