බණ්ඩාරගම – කැස්බෑව මාර්ගයේ වැල්මිල්ල ගල්කඩේ හන්දිය ආසන්නයේදී ලංගම බස් රථයක් මාර්ගයෙන් ඉවතට පැන සිදුවු අනතුරකින් පුද්ගලයින් දෙදෙනෙකු ජීවිතක්ෂයට පත්ව තිබෙනවා.
බස් රථය මාර්ගයේ දකුණු පසින් ඉවතට පැන බස් නැවතුම් පොළේ සිටි පුද්ගලයින් තිදෙනෙකු යටකරමින් වෙළෙඳසැලකට කඩා වැදී ඇති බවයි අප වාර්තාකරු පැවසුවේ.
අද (12) දහවල් එම අනතුර සිදුව ඇති අතර, බරපතළ තුවාල ලැබූ අයෙක් රෝහල්ගත කර තිබෙනවා.
PHOTO COURTESY: Accident First
මේ අතර කොළඹ – නුවර මාර්ගයේ වේවැල්දෙණිය හංදියේ දී අද (12) සවස සිදුවු මාරක අනතුරකින් මාස 08ක දරුවෙකු ඇතුළු තිදෙනෙක් ජීවිතක්ෂයට පත්ව තිබෙනවා.
අප වාර්තාකරු පැවසුවේ, නවතා තිබූ ලොරි රථයක පිටුපසින් පැමිණි ත්‍රිරෝද රථයක් ගැටී අනතුර සිදුව ඇති බවයි.
අනතුරින් තවත් තිදෙනෙක් තුවාල ලබා තිබෙන බවයි වාර්තා වන්නේ.
