රුසියාවේ කුරිල් දූපත් ආශ්‍රිත මුහුදු ප්‍රදේශයේ අද (14) ප්‍රබල භූ කම්පනයක් සිදුව තිබෙන බව විදෙස් මාධ්‍ය වාර්තා කරනවා.

විදෙස් මාධ්‍ය සඳහන් කළේ, මෙම භූ කම්පනය රික්ටර් මාපකයේ 6.5ක ප්‍රබලත්වයකින් යුක්ත වූ අතර, එය මුහුදු මට්ටමෙන් කිලෝමීටර් 12ක් ගැඹුරින් සිදුව ඇති බවයි.

මෙම භූ කම්පනයේ කේන්ද්‍රස්ථානය කුරිල් දූපත් ආසන්න මුහුදු ප්‍රදේශයේ පිහිටා ඇති බව භූ විද්‍යාඥයින් විසින් තහවුරු කර තිබෙනවා.

කෙසේ වුවද, මෙම භූ කම්පනයෙන් සිදුවූ හානි හෝ ජීවිත හානි පිළිබඳ මේ වන විට වාර්තා වී නැහැ.

එමෙන්ම, සුනාමි අනතුරු ඇඟවීමක් ද මෙතෙක් නිකුත් කර නොමැති බව විදෙස් මාධ්‍ය වැඩිදුරටත් පවසනවා.

භූ කම්පනය සිදුවූ ප්‍රදේශයේ භූ විද්‍යාත්මක තත්ත්වයන් අධ්‍යයනය කිරීමටත්, එහි බලපෑම් තක්සේරු කිරීමටත් රුසියානු බලධාරීන් සහ ජාත්‍යන්තර භූ විද්‍යා ආයතන පරීක්ෂණ ආරම්භ කර තිබෙනවා.

මෙම භූ කම්පනයේ පසු කම්පන (aftershocks) ඇතිවීමේ හැකියාව ද අධීක්ෂණය කරමින් පවතින බව බලධාරීන් පවසනවා.

කුරිල් දූපත් පිහිටා ඇත්තේ ලෝකයේ භූ කම්පනවලට ගොදුරු වන ප්‍රධාන භූ තැටි (tectonic plates) ආශ්‍රිත ප්‍රදේශයක බැවින්, මෙවැනි සිදුවීම් එම ප්‍රදේශයේ ඉදිරියේදී ද ඇතිවිය හැකි බව භූ විද්‍යාඥයින් අනතුරු ඇඟවීමක් කර තිබෙනවා.