එන්.බී .1.8.1 ලෙස හඳුන්වන නව කොව්ඩ් -19 ප්රභේදය රෝගීන් ගෝලීය වශයෙන් නැවත ඉහළ නංවමින් සිටින බව ශ්රී ජයවර්ධනපුර විශ්ව විද්යාලයේ ආසාත්මිකතා, ප්රතිශක්තිවේද සහ සෛල ජෛව විද්යා අධ්යයන අංශයේ අධ්යක්ෂ මහාචාර්ය චන්දිම ජීවන්දර මහතා පවසනවා.
ඔමික්රොන් හි උප පරම්පරාවක් වන මෙය ලෝක සෞඛ්ය සංවිධානයේ අධීක්ෂණය යටතේ පවතින ප්රභේදයක් ලෙස නම් කර තිබෙන බවයි මහාචාර්යවරයා සඳහන් කළේ.
නව ප්රභේදය මුල් වරට හඳුනා ගනු ලැබුවේ මේ වසරේ ජනවාරි මාසයේදීයී.
එදින සිට මෙම ප්රභේදය රටවල් ගණනාවකින් හඳුනා ගැනුණු බවද චන්දිම ජීවන්දර මහතා ප්රකාශ කළා.
මේ තත්වය යටතේ ජනතාව හැකි සෑම විටම සෞඛ්ය ආරක්ෂක ක්රම සහ විධි අනුගමනය කිරීම නුවණට හුරු බව ද මහාචාර්යවරයා වැඩිදුරටත් සඳහන් කළා.
මේ අතර ආසියානු කලාපයේ මේ දිනවල පැතිරයමින් පවතින කොවිඩ් ප්රභේදය මෙරටින් ද හදුනාගෙන ඇති බව වෛද්ය පර්යේෂණ ආයතනය පවසනවා.
වෛද්ය පර්යේෂණ ආයතනයේ වෛරස රෝග පිළිබද විශේෂඥ වෛද්ය ජූඩ් ජයමහ මහතා සඳහන් කළේ ඔමික්රෝන් වෛරසයට අදාල අනු ප්රභේදයන් වන එල් එෆ් පොයින්ට් සෙවන් සහ එක්ස් එෆ් ජී යන අනු ප්රභේදය ආසාදිත රෝගීන් මෙරටින් වාර්තා වන බවයි.
දිවයිනේ රෝහල් කිහිපයකින් ලබාගත් ජෛව සාම්පල වෛද්ය පර්යේෂණ ආයතනයට ලබාගෙන සිදු කළ පර්යේෂණ වලින් මේ බව තහවුරු වී ඇති බව විශේෂඥ වෛද්ය ජූඩ් ජයමහ මහතා පැවසුවා.
කෙසේ වෙතත් මෙම කොවිඩ් අනු ප්රභේද සම්බන්ධයෙන් අනිසි බියක් ඇති කරගත යුතු නොමැති බවද ඔහු අවධාරණය කළා.
අවදානමට ලක්විය හැකි කාණ්ඩ ලෙස හදුනාගෙන ඇති ගර්භණී මව්වරුන්, වැඩිහිටියන් හා නිදන්ගත රෝගීන් මුඛ ආවරණ පැලඳීම, ජනතාව වැඩි වශයෙන් ගැවසෙන ස්ථානවල රැඳී නොසිටීම යනාදී සෞඛ්ය පුරුදු අනුගමනය කිරීම වැදගත් බවද සෞඛ්ය අංශ පෙන්වා දී තිබෙනවා.
කොවිඩ් වෛරසයේ නව ප්රභේද විටින් විට පැතිර යන අතර මේ සම්බන්ධයෙන් සෞඛ්ය අංශ නිරන්තර අවධානයෙන් පසුවන බැවින් ඒ පිළිබඳව අනිසි බියක් ඇතිකර නොගත යුතු බවද විශේෂඥ වෛද්ය ජුඩ් ජයමහ මහතා සදහන් කළා.
මේ අතර ගාල්ල ජාතික රෝහලේ දී පසුගියදා මියගිය මාස එකහමාරක් වයසැති බිලිඳෙකුටද කොවිඩි ආසාදනය වි ඇති බවටද හඳුනාගෙන තිබෙනවා.
රෝහලේ අධ්යක්ෂවරයා පැවසුවේ අදාළ බිලිදාගේ ජෛව සාම්පල පරික්ෂාවකට කොළඹ වෛද්ය පර්යේෂණ ආයතනයට යොමුකිරිමෙන් අනතුරුව ඒ බව තහවුරු වි ඇති බවයි.
කෙසේ වෙතත් එම වෛරසය ආසියාවේ මේ දිනවල පැතිරයමින් පවතින නව ප්රභේදය බවට හඳුනාගෙන නොමැති බවද ඔහු සදහන් කළා.
