දකුණු ගාසා තීරයේ රෝහලකට එල්ල වූ ඊශ්රායල ගුවන් ප්රහාරයකින් ජ්යෙෂ්ඨ හමාස් නිලධාරියෙකු සහ 16 හැවිරිදි පිරිමි ළමයෙකු ඇතුළු අවම වශයෙන් දෙදෙනෙකු මිය ගොස් ඇති බව හමාස් සහ සෞඛ්ය නිලධාරීන් පවසා තිබෙනවා.
ඒ අනුව මෙම ප්රහාරයෙන් හමාස් දේශපාලන කාර්යාංශයේ සාමාජිකයෙකු වන ඉස්මයිල් බර්හූම්, ඛාන් යුනිස් හි නසාර් රෝහලේ ප්රතිකාර ලබමින් සිටියදී මිය ගිය බවයි හමාස් නිවේදනයක් නිකුත් කරමින් කියා සිටියේ.
“මෙම නවතම අපරාධය අපි හෙළා දකිමු, එය වාඩිලාගැනීමේ දීර්ඝ ත්රස්තවාදී වාර්තාවට එකතු කරයි, ශුද්ධවන්තභාවයන්, ජීවිත සහ වෛද්ය පහසුකම් උල්ලංඝනය කරයි,” පලස්තීන සන්නද්ධ කණ්ඩායම නිවේදනයක් නිකුත් කරමින් කියා සිටිනවා.
“සියලුම ජාත්යන්තර නීති සහ සම්මුතීන් නොසලකා හැරීම සහ අපගේ ජනතාවට සහ නායකත්වයට එරෙහිව ක්රමානුකූලව ඝාතනය කිරීමේ එහි අඛණ්ඩ ප්රතිපත්තිය එය නැවත තහවුරු කරයි.”
ඊශ්රායල ආරක්ෂක අමාත්ය ඊශ්රායල් කැට්ස් තහවුරු කළේ බර්හූම්, ප්රහාරයේ ඉලක්කය වී ඇති බවයි.
“පුළුල් බුද්ධි තොරතුරු රැස් කිරීමේ ක්රියාවලියකින්” පසුව, ප්රහාරය සිදු කර ඇති බවයි ඊශ්රායල හමුදාව පැවසුවේ.
බර්හූම්ගේ ඝාතනය සිදු වූයේ ඊශ්රායල හමුදා ඛාන් යුනිස් හි කූඩාරම් නවාතැනකට එල්ල කළ ප්රහාරයකින් හමාස් සංවිධානයේ දේශපාලන කාර්යාංශයේ තවත් සාමාජිකයෙකු වන සලාහ් අල්-බර්ඩාවිල් සහ ඔහුගේ බිරිඳ මරා දැමූ බව හමාස් ප්රකාශ කිරීමෙන් පැය කිහිපයකට පසුවයි.
හමාස් සමඟ සටන් විරාමයේ ඊළඟ අදියර සම්බන්ධයෙන් සති ගණනාවක් තිස්සේ පැවති අවුල් සහගත තත්ත්වයකින් පසුව, ඊශ්රායලය අඟහරුවාදා සිට හමාස් දේශපාලන කාර්යාංශයේ සාමාජිකයින් සිව් දෙනෙකු ඝාතනය කර තිබෙනවා.
