හැටන් ප්‍රදේශයේ සිදු වූ බස් රථ අනතුරකින් පුද්ගලයින් 3 දෙනෙකු මිය ගොස් 28 දෙනෙකු තුවාල ලැබුවා.
හැටන් සිට මහනුවර දක්වා ධාවනය වූ පෞද්ගලික බස් රථයක් හැටන් මල්ලියප්පුව ප්‍රදේශයේදී මාර්ගයෙන් ඉවතට පැන තේවත්තකට පෙරලී යාමෙන් අනතුර සිදු වුණා.
මිය ගිය අය අතර පිරිමි පුද්ගලයෙකු, කාන්තාවක හා දරුවෙකු ද සිටින බවයි වාර්තා වන්නේ.
තුවාල ලැබුවන්ගෙන් කිහිපදෙනෙකුගේ තත්ත්වය බරපතළ බැවින් ඔවුන් වැඩිදුර ප්‍රතිකාර සඳහා නාවලපිටිය මූලික රෝහලට යොමුකෙරුණා.
අනතුරට හේතුව මෙතෙක් හෙළිව නැහැ.
සිද්ධිය සම්බන්ධයෙන් පොලීසිය වැඩිදුර පරික්ෂණ සිදු කරනවා.
PHOTO COURTESY: Accident First
