දකුණු කොරියා පොලිසිය එරට ජනාධිපති කාර්යාලය වටලා තිබෙනවා.
ඒ පසුගිය සතියේ ජනාධිපති යූන් රට තුළ යුද නීතිය පැනවීමට ගත් උත්සාහයෙන් පසුව ජනාධිපතිවරයා කුමන්ත්‍රණය කළ බවට චෝදනා කරමින්,
ඒ අනුව ජනාධිපතිවරයා හා ඔහුගේ හිතවතුන් ගණනාවකට කැරලි ගැසීමේ චෝදනා එල්ල වී තිබෙනවා.
එමෙන්ම ජනාධිපතිවරයා ඇතුළු කිහිප දෙනෙකුට සංචාරක තහනමක් ද පනවා තිබෙනවා.
කෙසේ වෙතත් ජනාධිපති යූන් යුද නිතිය පැනවීමට ගත් උත්සාහය පිළිබඳ සමාව අයැද තිබුණා.
පසුගිය සෙනසුරාදා දෝෂාභියෝගය ජනාධිපතිවරයා ජයගත්තේ ඔහුගේ පක්ෂයේ සාමාජිකයන්ගේ ද සහාය ලැබීම හේතුවෙන්.
එහෙත් විපක්ෂ මන්ත්‍රීවරුන් මෙම සති අන්තයේ තවත් දෝෂාභියෝග ඡන්ද විමසීමක් පැවැත්වීමට නියමිතයි.
