ශ්‍රී ලංකාවේ වත්මන් රජය ගනු ලැබූ තීරණයකට අනුව හිටපු ජනාධිපතිවරුන්ගේ ආරක්ෂාව සඳහා යොදවා සිටින ත්‍රිවිධ හමුදා සාමාජිකයින් අද (23) සිට ඉවත් කිරීමට නියමිතයි.
ඒ, අනුව් අද දිනයේ සිට ව හිටපු ජනාධිපතිවරුන්ගේ ආරක්ෂා සඳහා පොලිස් නිලධාරීන් පමණක් යෙදවීමටයි තීරණය කර ඇත්තේ.
පසුගිය සතියේ පැවති පාර්ලිමේන්තු සභාවාරයේ දී මහජන ආරක්ෂක අමාත්‍යවරයා විශේෂ ප්‍රකාශයක් කරමින් සඳහන් කළේ අද (23) දිනයේ සිට හිටපු ජනාධිපතිවරුන්ට ලබා දී ඇති ත්‍රිවිධ හමුදා නිලධාරීන්ගේ ආරක්ෂාව ඉවත් කරන බවයි.
කෙසේ වෙතත් හිටපු ජනාධිපතිවරුන්ගේ ආරක්ෂාව සම්බන්ධයෙන් සෑම මාස 06කට වරක් සිදුකරන සමාලෝචනයකට අනුව ඔවුන්ගේ ආරක්ෂාව සම්බන්ධයෙන් තීරණ ගන්නා බව ද අමාත්‍යවරයා එහිදී සඳහන් කළා.
හිටපු ජනාධිපතිවරුන්ගේ ආරක්ෂාව සඳහා යොදවා සිටින ත්‍රිවිධ හමුදා සාමාජිකයින් වෙනුවෙන් අධික පිරිවැයක් දැරීමට සිදුවීමත් සමඟ මෙම තීරණයට එළඹී බවත් ඔහු වැඩිදුරටත් පැවසුවා.
