ඉන්දියාවේ නාගපට්මන් හා කන්කසන්තුරේ අතර ක්‍රියාත්මකව පැවති මගී නැව් සේවාව ඊයේ (17) සිට තාවකාලිකව නතර කිරීමට එම නැව් සේවා සමාගම තීරණය කර තිබෙනවා.

ඒ අනුව අයහපත් කාලගුණික තත්ත්වය හේතුවෙන් මෙම මගී නැව් සේවාව තාවකාලිකව නතර කළ බවත් දෙරට අතර ඊයේ (17) ට නියමිතව තිබූ අවසන් ගමන් වාරයද අයහපත් කාලගුණික තත්ත්වය නිසා අවලංගු කිරීමට සිදු වූ බවයි එම සමාගම සදහන් කළේ.

මෙම මගී නැව් සේවාව නැවත ලබන වසරේ ජනවාරි 17 දා සිට ආරම්භ කිරීමට ද නියමිතයි.