ලෝක මානව සම්පත් කොංග්‍රසය විසින් වාර්ෂිකව සංවිධානය කරන සේවා යෝජක සම්මාන උළෙලේදී (2024) ශ්‍රී ලංකා ක්‍රිකට් ආයතනය, ශ්‍රී ලංකාවේ හොඳම සේවා යෝජක සන්නාමය ලෙස සම්මානයට පාත්‍ර වුණා.
මෙම සම්මානය ශ්‍රී ලංකා ක්‍රිකට් ආයතනයේ මානව සම්පත් අංශයේ අභිලාෂය, දේශපාලන ප්‍රතිපත්ති සහ ව්‍යාවසාය පරිණාමය පිිළිබඳ විශේෂිත සැලැස්මක් සමඟ සම්බන්ධ වන ආකාරය, අනාගතය සඳහා සුදුසුකම් සංවර්ධනය කිරීම, කුසලතා කලමනාකරණය, කුසලතා සංවර්ධනය සහ නව රැකියා දැන්වීම පිළිබඳ උපයෝගිතා සලසන ආකාරය යන අංග සළකා එම කොංග්‍රසය ශ්‍රී ලංකා ක්‍රිකට් ආයතනයට පිරිනමා තිබෙනවා.
සේවක සහභාගිත්ව, විවිධත්ව සහ බඳවා ගැනීම්, කාන්තා සවිබල ගැන්වීම, සේවා ස්ථානයේ සෞඛ්‍ය ප්‍රවර්ධනය සහ කළමනාකරණය සහ සමාජ සත්කාරක කටයුතු ද මෙහිදී සලකා බැලුණා.
“අපගේ දැක්ම වන්නේ අපගේ සේවකයින්ට, සංවිධානයට සහ අප සේවය කරන ප්‍රජාවට උපායමාර්ගික සහාය සහ මඟ පෙන්වීම ක්‍රියාශීලීව ලබාදීමයි“ යැයි ශ්‍රී ලංකා ක්‍රිකට් මානව සම්පත් අංශයේ ජ්‍යෙෂ්ඨ කළමනාකාර මේජර් ටනේෂ් බී. ඩයස් මහතා සම්මානය ලබා ගැනීමෙන් පසුව පැවසුවේ.
කොළඹ ටාජ් සමුද්‍රා හෝටලයේදී පැවැති උත්සවයකදී මානව සම්පත් කොංගසය ශ්‍රී ලංකා ක්‍රිකට් ආයතනයේ ප්‍රධාන පරිපාලන නිලධාරී අරුණ ද සිල්වා සහ ශ්‍රී ලංකා ක්‍රිකට් ජාත්‍යන්තර ක්‍රිකට් අංශයේ ප්‍රධානී චන්දිම මාපටුන යන මහත්වරුන්ට මෙම සම්මානය ප්‍රදානය කළා.
