කොළඹ සිට වැලිමඩ දක්වා ධාවනය වෙමින් තිබූ පෞද්ගලික මගී බස් රථයක් අද (18) අලුයම ඌව තැන්න, හල්දුම්මුල්ල, නායමඩිත්ත ප්රදේශයේදී මාර්ගයෙන් ඉවතට පැන ගලක ගැටීමෙන් පසුව මාර්ගය හරහා පෙරළී ගොස් තිබේ.
අනතුරින් රියදුරු මිය ගිය අතර, කාන්තාවක් සහ කුඩා දරුවෙකු ඇතුළු තවත් අට දෙනෙකු තුවාල ලැබූ බව හල්දුම්මුල්ල පොලිසිය පවසයි.
රියදුරු ආසන පටි පැළඳ නොසිටි බවත්, රියදුරු අසුන අසල දොර හදිසියේම විවෘත වූ බවත්, එමඟින් ඔහු භීතියට පත් වී බස් රථය පාලනය කර ගත නොහැකි වූ බවත් පොලිසිය පැවසීය. පසුව වාහනය මාර්ගයෙන් ඉවතට පැන, ගලක ගැටී, මාර්ගය හරහා පෙරළී ගිය බවත් වාර්තා වේ.
රියදුරු බස් රථයෙන් ඉවතට විසිවී ගොස් මාර්ගය හරහා ඇදගෙන ගොස් වාහනය යට සිරවී ඇති බව වාර්තා වේ. ප්රදේශවාසීන් ඔහුව බේරාගෙන බරපතල තුවාල සහිතව රෝහලට ගෙන ගියද, පසුව ඔහු මිය ගියේය.
අවුරුදු හත්ක දරුවෙකු ඇතුළු තුවාල ලැබූ මගීන් හතර දෙනෙකු වැඩිදුර ප්රතිකාර සඳහා දියතලාව මූලික රෝහලට මාරු කර යවා ඇත.
