නිරිතදිග පාකිස්තානයේ, බලුකිස්තාන ප්රාන්තයේ නගර රැසක අන්තර්ජාල සබඳතා අත්හිටුවීමට ප්රාන්ත බලධාරීන් පියවර ගෙන ඇතැයි විදෙස් මාධ්ය වාර්තා කරයි.
ආරක්ෂාව සැලකිල්ලට ගෙන බලුකිස්තානයේ ක්වේටා අගනුවර ඇතුළු නගර රැසකට මේ තහනම බලාත්මක කිරීමෙන් නගරවාසීන්ට සිය රාජකාරි කටයුතු සඳහා මෙන්ම සිසුසිසුවියන්ට අධ්යාපනික කටයුතු සඳහා දැඩි බලපෑම් එල්ල වී ඇතැයි ද විදෙස් මාධ්ය වැඩිදුරටත් වාර්තා කරයි.
බලුකිස්තාන සන්නද්ධ කණ්ඩායම් සහ රජයේ හමුදාව අතර මෑතකාලයේ උත්සන්න වූ ගැටුම් සහ පසුගිය සතියේ දිනක් ඇතුළත ආරක්ෂක අංශ ඉලක්ක කරගත් බෝම්බ පිපිරිමේ සිදුවීම් 7ක් වාර්තා වීම එම ප්රාන්තයේ අන්තර්ජාල සබඳතා අත්හිටුවීමට හේතු වී ඇතැයි විදෙස් මාධ්ය සඳහන් කරයි.
එම ප්රහාරවලදී පොලිස් සහ හමුදා ජංගම මුර සංචාරක රථ රැසක් විනාශ වූ බව ද වාර්තා වේ.
ගැටුම් උත්සන්න වීම හේතුවෙන් මීට පෙර අවස්ථා ගණනාවකදීම බලුකිස්තානයේ නගර රැසක අන්තර්ජාල සබඳතා කපා හැරීමට ප්රාන්ත බලධාරීන් පියවර ගත් බව ද වාර්තා වේ.
