රුසියාව සමග යුද්ධය අවසන් කිරීම සඳහා වන සාම සාකච්ඡාවලදී සිය ප්රමුඛතාවය වන්නේ තම රට ස්වෛරීභාවය පවත්වා ගැනීම සහ ආරක්ෂාව ගැන සහතික ලබා ගැනීම බව යුක්රේන ජනාධිපති වොලිඩිමීර් සෙලෙන්ස්කි පවසයි.
ඔහු කියා සිටියේ රුසියාව නැගෙනහිර ඩොන්බාස් කලාපයේ ප්රදේශ අත්හැරිය යුතු බවට දිගින් දිගටම තර්ජන එල්ල කරන බවයි.
මේ අතර පසුගියදා යුක්රේන ජනාධිපතිවරයා පැරිසියේදී ප්රංශ ජනාධිපති එම්මානුවෙල් මැක්රොන් හමුවීමෙන් අනතුරුව එක්සත් රාජධානිය, ජර්මනිය, පෝලන්තය සහ ඉතාලිය ඇතුළු යුරෝපීය නායකයින් සමග මේ සම්බන්ධයෙන් දුරකථන සංවාදයකද නිරතව ඇති බවයි විදෙස් වාර්තා සඳහන් කළේ.
